எனக்கு யார் இடையூறாக இருந்தாலும் சரி,கண்டிப்பா அவர்கள் சிறைக்கு செல்ல வேண்டி வரும் – பொன்.மாணிக்கவேல் எச்சரிக்கை

எனக்கு யார் இடையூறாக இருந்தாலும் அவர்கள் சிறைக்கு செல்ல வேண்டி வரும் என்று பொன்.மாணிக்கவேல் தெரிவித்துள்ளார்.

ஆஸ்திரேலியாவில் உள்ள அருங்காட்சியகத்தில் இருந்து பொன் மாணிக்கவேல் தலைமையிலான சிறப்பு விசாரணைக் குழு நடராஜர் சிலை ஒப்படைக்கப்பட்டது. இதையடுத்து தமிழகம் கொண்டு வரப்பட்ட, ஐம்பொன்னால் ஆன நடராஜர் சிலையை கல்லிடைக்குறிச்சி கோயிலில் வைக்கப்பட்டது.

இந்த நிலையில் கல்லிடைக்குறிச்சியில் சிறப்பு அதிகாரி பொன்.மாணிக்கவேல் செய்தியாளர்களுக்கு பேட்டியளித்தார்.அப்பொழுது அவர் கூறுகையில், நடராஜர் சிலைக்கு 24 மணி நேரமும் பலத்த போலீஸ் பாதுகாப்பு போடப்படும். மீட்கப்பட்ட நடராஜர் சிலை இந்திய மதிப்பில் ரூ28 கோடி என்று கூறப்படுகிறது. எனக்கு யார் இடையூறாக இருந்தாலும் அவர்கள் சிறைக்கு செல்ல வேண்டி வரும்.

கடத்தப்பட்ட சிலைகள் அனைத்தும் கூடிய விரைவில் கண்டுபிடிக்கப்படும்.சிலை மீட்பு விவகாரத்தில் காவல் அதிகாரிகள் குழுவினர் நல்ல ஒத்துழைப்பு அளித்தனர் என்று தெரிவித்தார்.