எந்தெந்த தொழிற்சாலைகள் இயங்கலாம் – திங்களன்று அறிவிப்பு.!

தமிழகத்தில் எந்தெந்த தொழிற்சாலைகள் இயங்கலாம் என்பது திங்கட்கிழமை அறிவிக்கப்படும் என முதல்வர் அறிவிப்பு.

தமிழகம் முதல்வர் எடப்பாடி பழனிச்சாமி, இன்று சேலம் சென்று அம்மாவட்ட ஆட்சியர் அலுவலகத்தில் கொரோனா வைரஸ் பற்றி உயர் அதிகாரிகளுடன் ஆலோசனை நடத்திய பின்னர் செய்தியாளர்களிடம் பேசிய அவர், சேலம் மாவட்டத்தில் கொரோனாவை கட்டுக்குள் கொண்டுவர அரசு பல்வேறு நடவடிக்கை எடுத்து வருகிறது என்றும் கொரோனா தாக்கம் உள்ள 9 இடங்கள் கண்டுபிடிக்கப்பட்டு தடுப்பு நடவடிக்கை தீவிரப்படுத்தப்பட்டுள்ளது என தெரிவித்தார். மேலும், 1.25 லட்சம் ரேபிட் பரிசோதனைக் கருவிகளை கொள்முதல் செய்ய நடவடிக்கை எடுக்கப்பட்டுள்ளது. அதில், முதற்கட்டமாக 24 ஆயிரம் கருவிகள் வந்துள்ளன என கூறினார்.

இதனிடையே மே 3 ஆம் தேதி வரை ஊரடங்கை நீடிப்பதாக அறிவித்த பிரதமர் மோடி, வரும் ஏப்ரல் 14க்கு பிறகு நிபந்தனைகளுடன் சில தளர்வுகள் இருக்கும் என்று கூறினார். பின்னர் அதற்கான புதிய வழிகாட்டி நெறிமுறைகள் மத்திய அரசு வெளியிட்டது. அந்த வகையில் தமிழகத்தில் எந்தெந்த தொழிற்சாலைகள் இயங்கலாம் என்பது திங்கட்கிழமை அறிவிக்கப்படும் என முதல்வர் தெரிவித்துள்ளார். இதையடுத்து விளைபொருட்களை விற்க செல்லும் விவசாயிகளுக்கு யாரும் எந்த தடையும் விதிக்கக் கூடாது என்றும் சேலம் மாவட்டத்தில் கொரோனா பாதித்த 24 பேரில் 7 பேர் குணமடைந்து வீடு திரும்பியுள்ளனர் என குறிப்பிட்டார்.