கஜா புயல் பாதிப்பு தொடர்பான ஆய்வின் போது மக்களின் வலியை உணர்ந்தோம் …! மத்திய குழு தலைவர் டேனியல் ரிச்சர்ட்

கஜா புயல் பாதிப்பு தொடர்பான ஆய்வின் போது மக்களின் வலியை உணர்ந்தோம் என்று மத்திய குழு தலைவர் டேனியல் ரிச்சர்ட் தெரிவித்துள்ளார்.

கஜா புயலால் பாதிக்கப்பட்ட பகுதிகளை மத்திய குழுவினர் ஆய்வு செய்து முடித்து விட்டனர். டேனியல் ரிச்சர்ட் தலைமையிலான மத்திய குழு புயலால் பாதிக்கப்பட்ட பகுதிகளான நாகை, தஞ்சை, திருவாரூர் உள்ளிட்ட மாவட்டங்களில் ஆய்வு செய்தது.நேற்று இறுதியாக ஆய்வை முடித்த நிலையில் இன்று கஜா புயல் பாதிப்புகளை ஆய்வு செய்த மத்திய குழுவினர், தலைமை செயலகத்தில் முதலமைச்சர் பழனிசாமியுடன் ஆலோசனையில் ஈடுபட்டனர் .

இதன் பின்னர் மத்திய குழுவின் தலைவர் டேனியல் ரிச்சர்ட்  கூறுகையில், கஜா புயல் பாதிப்பு தொடர்பான ஆய்வின் போது மக்களின் வலியை உணர்ந்தோம்.முடிந்த அளவுக்கு கஜா புயல் பாதித்த பகுதிகளில் ஆய்வு செய்தோம்.தென்னை, வாழை உள்ளிட்ட மரங்களின் சேதங்களை நேரில் பார்த்தோம்.மீட்பு மற்றும் நிவாரணப் பணிகளில் தமிழக அரசின் பணிகள் சிறப்பாக உள்ளன, பாராட்டத்தக்கதாக உள்ளது என்று மத்திய குழு தலைவர் டேனியல் ரிச்சர்ட் தெரிவித்துள்ளார்.