#BREAKING: மதுரை எய்ம்ஸ் மருத்துவமனையின் தலைவராக “வி.எம்.கடோச்” நியமனம்.!

மதுரை எய்ம்ஸ் மருத்துவமனையின் தலைவராக “வி.எம்.கடோச்” நியமனம் செய்யப்பட்டுள்ளார். 

மத்திய அரசு பட்ஜெட்டில் தமிழகத்தில் எய்ம்ஸ் மருத்துவமனை அமைக்கப்படும் என அறிவிக்கப்பட்டது. அதன்படி, 1,264 கோடி மதிப்பீட்டில் கடந்த 2019 ஆம் ஆண்டு ஜனவரி மாதம் பிரதமர் மோடி மதுரையை அடுத்த தோப்பூரில் எய்ம்ஸ் மருத்துவமனைக்கு அடிக்கல் நாட்டினார்.

இந்நிலையில், மதுரையில் 1264 கோடி மதிப்பில் கட்டப்படவுள்ள எய்ம்ஸ் மருத்துவமனையின் தலைவராக புதுச்சேரி ஜிப்மர் மருத்துவமனையில் பணியாற்றி வரும்  டாக்டர் வி.எம்.கட்டோச் நியமனம் செய்யப்பட்டுள்ளார் என மத்திய சுகாதாரத்துறை தகவல் தெரிவித்துள்ளது.

மேலும், இதில் எம்ஜிஆர் மருத்துவ பல்கலைக்கழக துணை வேந்தர் சுதா சேஷையன் உள்ளிட்டோர் உறுப்பினர்களாக நியமனம் செய்யப்பட்டுள்ளதாக தகவல் வெளியாகியுள்ளது.