வீடியோ : எங்கே காண்பேன் என் அன்பை..! ஸ்டாலின் உருக்கம் .!

இராணுவ வீரனின் தியாகத்திற்கு இணையானது ஜெ.அன்பழகனின் தியாகம் என ஸ்டாலின் உருக்கமாக பேசி உள்ளார்.

திமுக எம்.எல்.ஏ. ஜெ.அன்பழகன் உடல்நலக்குறைவு காரணமாக தனியார்  மருத்துவமனையில் அனுமதிக்கப்பட்டு சிகிக்சை பெற்று வந்தார். அப்போது, அவருக்கு கொரோனா தொற்று இருப்பது உறுதி செய்யப்பட்டது. இதைத்தொடர்ந்து, தீவிர சிகிச்சையில் அனுமதிக்கப்பட்ட சிகிச்சை பெற்று வந்த ஜெ.அன்பழகன் இன்று காலை காலமானார்.

இதையடுத்து, ஜெ.அன்பழகனின் உடல் நல்லடக்கம் செய்ய மயானத்திற்கு செல்வதற்கு முன் தி.நகரில் உள்ள அவரது  வீட்டிற்கு ஜெ.அன்பழகன் உடல் கொண்டு செல்லப்பட்டு இறுதி அஞ்சலி செலுத்தப்பட்டது. பின்னர் , கண்ணம்மாபேட்டை மயானத்தில்  ஜெ.அன்பழகனின் உடல் நல்லடக்கம் செய்யப்பட்டது.

நாட்டுக்காக போராடி உயிரிழந்த இராணுவ வீரனின் தியாகத்திற்கு இணையானது, #CoronaVirus தடுப்பு பணிக்காக போராடி உயிரிழந்த என் சகோதரர் @JAnbazhagan-ன் தியாகம்! அவரது தியாக வாழ்வைப் போற்றுவோம்!

திராவிட இயக்கம் மறவாது #JAnbazhagan-ன் திருமுகத்தை! pic.twitter.com/s5SzLcXW3c

— M.K.Stalin (@mkstalin) June 10, 2020

ஜெ.அன்பழகனின் மறைவுக்கு பல தலைவர்கள் இரங்கல் தெரிவித்து வருகின்றனர். இந்நிலையில், திமுக தலைவர் நாட்டுக்காக போராடி உயிரிழந்த இராணுவ வீரனின் தியாகத்திற்கு இணையானது, கொரோனா வைரஸ் தடுப்பு பணிக்காக போராடி உயிரிழந்த என் சகோதரர் ஜெ.அன்பழகன் தியாகம் என உருக்கமாக பேசி வீடியோ வெளியிட்டு உள்ளார்.