வழிகாட்டுதல் குழுவில் இடம்பெறாதது மிக்க மகிழ்ச்சி – செங்கோட்டையன்..!

வழிகாட்டுதல் குழுவில் இடம்பெறாதது மிக்க மகிழ்ச்சியோடு ஏற்றுக்கொள்கிறேன் என அமைச்சர் செங்கோட்டையன் தெரிவித்தார்.

கோபி அருகே கொடிவேரியில் நடைபெற்ற நிகழ்ச்சியில் பங்கேற்ற பின்னர், செய்தியாளர்களுக்கு பேட்டியளித்த அமைச்சர் செங்கோட்டையன், கர்நாடகம் மற்றும் மஹாராஷ்டிராவில் மூடப்பட்டுள்ள தமிழ்வழி பள்ளிகளை திறக்க நடவடிக்கை எடுக்கப்பட்டுள்ளது என தெரிவித்தார். மேலும், அதிமுக-வில் 11 பேர் கொண்ட வழிகாட்டுதல் குழுவில் இடம்பெறாதது மிக்க மகிழ்ச்சியோடு ஏற்றுக்கொள்கிறேன் என தெரிவித்தார்.

கடந்த 7-ம் தேதி அதிமுக ஒருங்கிணைப்பாளர் ஓ பன்னீர் செல்வம், இணை ஒருங்கிணைப்பாளர் எடப்பாடி பழனிசாமி ஆகிய இருவரும் கூட்டாக செய்தியாளர்களை சந்தித்து முதல்வர் வேட்பாளர் மற்றும் வழிகாட்டுதல் குழுவில் இடம் பெறுபவர்களை அறிவித்தனர்.

அதிமுக வழிகாட்டுதல் குழுவில் மூத்த தலைவர்கள் புறக்கணிப்பு..?

அதில்,  11 பேர் கொண்ட வழிகாட்டுதல் குழுவில் இடம் பெற்றவர்களின் பெயரை முதல்வர் அறிவித்தார். அதில்,  திண்டுக்கல் சீனிவாசன், தங்கமணி, வேலுமணி, ஜெயக்குமார்,சிவி சன்முகம், காமராஜ், ஜேசிடி பிரபாகரன், மனோஜ், பாண்டியன், மோகன், கோபல கிருஷ்ணன்மற்றும் சோழவந்தான் மாணிக்கம் ஆகியோர் இடம்பெற்றனர் என்பது குறிப்பிடத்தக்கது.