[Image source : PTI]
நன்றிகெட்ட மனிதர்களை விட நாய்களே மேல் என இபிஎஸ் கருத்து வைத்தியலிங்கம் கடும் விமர்சனங்களோடு அறிக்கை வெளியிட்டுள்ளார்.
அதிமுக பொதுச்செயலாளர் எடப்பாடி பழனிச்சாமி நேற்று செய்தியாளர்கள் சந்திப்பில், ஓ பன்னீர்செல்வம் மற்றும் டிடிவி தினகரன் சந்திப்பு குறித்து பேசுகையில், மாயமானும் மண் குதிரையும் , பூஜ்ஜியமும் பூஜ்ஜியம் ஒன்று சேர்ந்தால் பூஜ்யம் தான் கிடைக்கும் என்றும், கடுமையாக விமர்சித்து இருந்தார். இதற்கு வழி வகுக்கும் விதமாக ஓ.பன்னீர்செல்வம் ஆதரவாளர் வைத்தியலிங்கம் அறிக்கை ஒன்றை இன்று வெளியிட்டு உள்ளார்.
அதில், நன்றி கெட்ட மனிதனை விட நாய்கள் மேல் என்று கடுமையாக விமர்சித்து அந்த அறிக்கையை ஆரம்பித்து உள்ளார். எடப்பாடி பழனிச்சாமி முதல்வராக பதவியேற்பதற்கும், நான்காண்டு காலம் ஆட்சியை நடத்துவதற்கும், யாரிடம் கெஞ்சி கூத்தாடி முதல்வர் ஆனார் என்பதை மறைத்து விட்டார் என்று விமர்சித்து இருந்தார். ‘ஆமை புகுந்த வீடு உருப்படாது’ என்பது போல் எடப்பாடி பழனிச்சாமி எனும் துரோகியின் நுழைவால் அதிமுக அழிவு பாதையை நோக்கி சென்று கொண்டிருக்கிறது என குறிப்பிட்டார்.
டெல்லியில் உள்துறை அமைச்சர் அமித்ஷா – இபிஎஸ் சந்திப்பின்போது சிலர் ஏன் இடம்பெறவில்லை என்று தொலைக்காட்சிகள் கேட்டபோது, பதில் அளிக்க முடியாத எடப்பாடி பழனிச்சாமி தற்போது ஓபிஎஸ் – டிடிவி தினகரன் சந்திப்பின்போது வைத்தியலிங்கம் எங்கே? ஜே.டி.சி.பிரபாகர் எங்கே? மனோஜ் பாண்டியன் எங்கே என கேள்வி கேட்கிறார் என்று விமர்சித்து உள்ளார். மேலும், அனைவரிடமும் ஆலோசித்த பிறகு தான் ஓபிஎஸ் – டி.டி.வி.தினகரன் சந்திப்பு நடைபெற்றது என்றும் அவர் விளக்கம் கொடுத்தார்.
அதேபோல், சபரீசன் உடனான ஓபிஎஸ் சந்திப்பு குறித்து குறிப்பிடுகையில் அது ஆயிரம் பேருக்கு முன்னால் நடந்த வெளிப்படையான மரியாதை நிமித்தமான சந்திப்பு என குறிப்பிட்டு எடப்பாடி பழனிச்சாமி தான் திமுகவின் பி டீம் என்றும் அறிக்கையில் விமர்சித்து உள்ளார்.
இறுதியாக துள்ளுகிற மாடு பொதி சுமக்காது. என்பது போல துள்ளுபவர்கள் பொறுப்பை ஏற்க மாட்டார்கள் துள்ளாத தலைவனுக்கு மக்கள் வாக்களிக்க முடிவெடுத்துவிட்டார்கள். எப்படிபட்ட பாவத்தை செய்தவர்களுக்கும் தப்பிக்க வழி உண்டு. செய்த நன்றியை மறந்தவர்களுக்கு அதிலிருந்து தப்பிக்க வாய்ப்பில்லை என்று அந்த அறிக்கையில் வைத்தியலிங்கம் குறிப்பிட்டு உள்ளார்.
சென்னை : நாம் தமிழர் கட்சி ஒருங்கிணைப்பாளர் சீமான் நேற்று கடலூர் மாவட்டத்தில் செய்தியாளர்களை சந்தித்த போது பெரியார் குறித்து பேசிய…
சென்னை : அமைச்சர் துரைமுருகன் எப்போது தன்னிடம் கேட்கப்படும் கேள்விகளுக்கு நக்கல் நயாண்டிகளுடன் பதில் கூறுவதை பார்த்திருக்கிறோம். அப்படி தான்,…
சென்னை : லோகேஷ் கனகராஜ் இயக்கத்தில் அஜித் ஒரு படத்தில் நடித்தால் எப்படி இருக்கும்? என்று நினைத்து பார்த்தாலே அஜித்…
சென்னை: சென்னையில் ஆபரணத் தங்கத்தின் விலை நேற்றைய தினம் அதிகரித்து விற்பனையான நிலையில், இன்றும் உயர்ந்து காணப்படுகிறது. சென்னையில் நேற்று…
ஆந்திரப் பிரதேசம்: திருப்பதியில் வைகுண்ட ஏகாதசி தரிசனத்துக்கான இலவச டோக்கன் வழங்கும் மையங்களில் ஏற்பட்ட நெரிசல் காரணமாக தமிழகத்தை சேர்ந்த ஒருவர்…
ஆந்திரப் பிரதேசம்: ஏழுமலையான் கோவிலில் வைகுண்ட ஏகாதசியையொட்டி ஜனவரி 10 முதல் 19 வரை சொர்க்கவாசல் திறந்திருப்பதால் இலவச டிக்கெட்…
