UTurn திமுக அரசு… எதிலும் நிலையான முடிவு இல்லை – இபிஎஸ் விமர்சனம்!

எதிலும் நிலையான முடிவு எதுவும் எடுக்க முடியாத நிலையில் திமுக அரசு உள்ளது என எடப்பாடி பழனிசாமி விமர்சனம்.

இதுதொடர்பாக அதிமுக பொதுச்செயலாளரும், எதிர்க்கட்சி தலைவருமான எடப்பாடி பழனிசாமி பதிவில், #UTurnதிமுகஅரசு என்ற ஹேஸ்டேக்வுடன், தொழிலாளர் 12 மணி நேர வேலை என்ற மசோதா அறிவித்து பின்னர் நிறுத்தி வைப்பு, திருமண மண்டபங்களில் மதுபானம் வழங்கும் உரிமத்தை அறிவித்து பின்னர் ரத்து, பள்ளி கல்வி துறையில் LKG வகுப்பு ரத்து என்ற அறிவிப்பு வெளியிட்டு மீண்டும் அதனை கொண்டு வந்தது திமுக அரசு.

எனவே, எதிலும் நிலையான முடிவு எதுவும் எடுக்க முடியாத இந்த அரசின் நிதானமற்ற கொள்கைகளால் மக்கள் அவதிக்குள்ளவாது மிகுந்த வேதனைக்குரியது, கடுமையாக கண்டிக்கத்தக்கது. இந்த நிர்வாக திறனற்ற அரசு, இனிவரும் காலங்களிலாவது, கார்ப்பரேட் நலனை மட்டுமே மனதில் கொள்வதை விடுத்து, மக்கள் நலனை மனதில் நிறுத்தி அவர்களின் வாழ்வியலுக்கு உகந்த கொள்கை முடிவுகளை எடுக்க வேண்டும் என தெரிவித்துள்ளார்.