நகர்ப்புற உள்ளாட்சி தேர்தல் : வரும் 7-ஆம் தேதி முதல் ஓபிஎஸ் பரப்புரை..!

நகர்ப்புற உள்ளாட்சி தேர்தலை முன்னிட்டு, அதிமுக ஒருங்கிணைப்பாளர் ஓபிஎஸ் அவர்கள், வரும் 7-ஆம் தேதி முதல் 15-ஆம் தேதி வரை சூறாவளி பிரச்சாரம் மேற்கொள்ள உள்ளார்.  

தமிழ்நாட்டில் உள்ள 21 மாநகராட்சிகள், 138 நகராட்சிகள் மற்றும் 490 பேரூராட்சிகள் என 649 நகர்ப்புற உள்ளாட்சி அமைப்புகளுக்கு, தேர்தல்கள் 19-ஆம் தேதி ஒரே கட்டமாக நகர்ப்புற உள்ளாட்சி தேர்தல் நடைபெற உள்ளது.

இதனையடுத்து, அனைத்து அரசியல் கட்சியினரும் தேர்தல் முன்னேற்பாடு பணிகளில் தீவிரமாக ஈடுபட்டு வருகின்றனர். 649 நகர்ப்புற உள்ளாட்சி அமைப்புகளுக்கு ஜனவரி 28-ஆம் தேதி முதல் வேட்புமனு தாக்கல் தொடங்கி,  இன்று மாலையுடன் நிறைவடைந்தது. மேலும், வேட்புமனு பரிசீலினை நாளை நடைபெற உள்ளது.

இந்நிலையில், அதிமுக ஒருங்கிணைப்பாளர் ஓபிஎஸ் அவர்கள், வரும் 7-ஆம் தேதி முதல் 15-ஆம் தேதி வரை, காஞ்சிபுரம், வேலூர், ஓசூர், சேலம், ஈரோடு, கோவை, திருப்பூர், திண்டுக்கல், கரூர், திருச்சி, கன்னியாகுமாரி, தூத்துக்குடி உள்ளிட்ட மாவட்டங்களில் சூறாவளி பிரச்சாரம் மேற்கொள்ள உள்ளார்.

மாண்புமிகு கழக ஒருங்கிணைப்பாளர் திரு. ஓ. பன்னீர்செல்வம் அவர்களின் சூறாவளி தேர்தல் பிரச்சார சுற்று பயணம் (Hall Meeting). pic.twitter.com/DreJI8cK40

— AIADMK (@AIADMKOfficial) February 4, 2022