தட்டச்சு தேர்வு கனமழை காரணமாக ஒத்திவைப்பு!

தமிழ்நாட்டில் கனமழை எச்சரிக்கை எதிரொலியாக தட்டச்சு தேர்வு ஒத்திவைப்பு.

தமிழ்நாட்டில் நாளை மற்றும் நாளை மறுநாள் நடக்கவிருந்த தட்டச்சு தேர்வு கனமழை காரணமாக ஒத்திவைக்கப்படுவதாக அறிவிப்பு வெளியாகியுள்ளது. நவம்பர் 19 மற்றும் 20 ஆகிய தேதிகளில் தட்டச்சு தேர்வு நடைபெறும் என தொழில்நுட்ப கல்வி இயக்கத்தின் தேர்வு வாரிய தலைவர் அறிவித்துள்ளார்.

இந்த தேர்வினை தமிழகம் மற்றும் புதுச்சேரியில் சுமார் ஒன்றரை லட்சம் பேர் எழுத இருந்த நிலையில் மழையின் காரணமாக ஒத்திவைக்கப்பட்டுள்ளது. தமிழகத்தில் வடகிழக்கு பருவமழை, புதிய காற்றழுத்த தாழ்வு பகுதி காரணமாக பல்வேறு மாவட்டங்களில் கனமழை பெய்து வருகிறது. கனமழையால் பள்ளி, கல்லூரிகளுக்கு ஆங்காங்கே விடுமுறை அளிக்கப்பட்டு வருகிறது. சில தேர்வுகளும் ஒத்திவைக்கப்பட்டுள்ளது. அந்தவகையில், தட்டச்சு தேர்வும் ஒத்திவைக்கப்பட்டது.