பாமக தலைவர் அன்புமணி ராமதாஸ்க்கு வாழ்த்து சொன்ன தவெக தலைவர் விஜய்!

சென்னை : பாமக தலைவர் அன்புமணி ராமதாஸ் இன்று தனது 56-வது பிறந்த நாளை கொண்டாடி வருகிறார். அவருக்கு அரசியல் தலைவர்கள் பலரும் தொலைப்பேசி மூலம் தொடர்புகொண்டும், சமூக வலைத்தளங்களின் மூலமும் தங்களுடைய வாழ்த்துக்களைத் தெரிவித்து வருகிறார்கள்.

அந்த வகையில், தமிழக வெற்றிக் கழகத் தலைவர் விஜய் பாமக தலைவர் அன்புமணி ராமதாஸை தொலைப்பேசி மூலம் தொடர்பு கொண்டு தன்னுடைய வாழ்த்துக்களைத் தெரிவித்துள்ளார். தொலைப்பேசியில் இவர்களுடைய கலந்துரையாடல் 5 நிமிடம் இருந்ததாகத் தகவல்கள் வெளியாகியுள்ளது.

பிறந்தநாள் வாழ்த்துக்களைத் தெரிவித்த த.வெ.க தலைவர் விஜய்க்குத் தனது நன்றியைத் தெரிவித்துள்ளார், மேலும், விஜய் அரசியல் கட்சியைத் தொடங்கியதைத் தொடர்ந்து தன்னுடைய கட்சியின் முதல் மாநாட்டை வரும் அக்டோபர் 27 அன்று விக்ரவாண்டியில் நடத்தவுள்ளார்.

அந்த மாநாடு மிகவும் நல்லபடியாக நடக்க வேண்டும் என்பதற்காக விஜய்க்கும் அன்புமணி ராமதாஸ் தன்னுடைய மனமார்ந்த வாழ்த்து தெரிவித்திருக்கிறார். இருவரும் மாறி மாறி வாழ்த்துக்களைத் தெரிவித்துக்கொண்டுள்ளது அரசியல் வட்டாரத்தில் பெரிய விஷயமாகக் கவனிக்கப்பட்டுள்ளது.