திமுக-வை இந்து விரோதி என சித்தரிக்க முயற்சி! திமுக தலைவர் மு.க.ஸ்டாலின் அறிக்கை!

திமுக-வை இந்து விரோதி என சித்தரிக்க முயற்சி மு.க.ஸ்டாலின் கூறியுள்ளார்.

கறுப்பர் கூட்டம் என்ற யூடியூப் சேனல் நடத்தி வரும் அமைப்பினர், இந்துக்களின் கந்த சஷ்டி கவசம் குறித்து அவதூறாக பேசியதாக கூறப்பட்ட நிலையில், இந்த விவகாரத்தில், கறுப்பர் கூட்டம் அமைப்புக்கு திமுக ஆதரவு அளிப்பதாக டுவிட்டரில் போலி தகவல் பதிவிடப்பட்டதாக எஸ்.ஆர்.பாரதி குற்றம்சாட்டியிருந்தார்.

இந்நிலையில், இதுகுறித்து அறிக்கை வெளியிட்டுள்ள திமுக தலைவர் மு.க.ஸ்டாலின், திமுகவை இந்து விரோதி என சித்தரிக்க முயற்சி செய்வதாகவும், இந்து விரோதிகள் என கூறி திமுகவின் வளர்ச்சியை தடுத்துவிடலாம் என்பது அரதப்பழசான சிந்தனை என்றும் தெரிவித்துள்ளார்.

மேலும், பொதுமக்களின் கவனத்தை திசை திருப்பி ஓபிசி இட ஒதுக்கீட்டை ஒழிக்க முயற்சி நடக்கிறது என்றும் தெரிவித்துள்ளார்.