திருச்சி நகை கொள்ளையர்களில் ஒருவன் சிக்கினான்! மற்றொருவனுக்கு போலீசார் வலைவீச்சு!

திருச்சி லலிதா ஜிவல்லரி கடையில் பின்புறம் துளையிட்டு சுமார் 17 கிலோ தங்க வைர நகைகள் திருடப்பட்டன. இதன் மதிப்பு பல கோடி ரூபாய் மதிப்பிற்கும் என கூறப்படுகிறது. இந்த திருட்டு சம்பவத்தை அடுத்து இதற்கென தனிபடை அமைத்து, போலீசார் தீவிரமாக தேடி வந்தனர்.
நேற்று இரவு, திருவாரூரில் வாகன சோதனையின் போது, ஒரு வாகனத்தில் இருந்து இருவர் தப்பி ஓடியுள்ளார். இதில் ஒருவரை போலீசார் விரட்டி பிடித்தனர். மற்றொருவன் தப்பிவிட்டான்.
அவர்கள் வந்த வாகனத்தில் நகைகள் மூட்டை கிடைக்கப்பெற்றன. இதில் சிக்கியவன் பெயர் மணிகண்டன் எனவும், அதில் கொள்ளையடித்த நகைகளில் தன் பங்கை மட்டும் பிரித்து வாங்கியதாகவும், ஒருவர் ஓடிவிட்டதாகவும் போலீசார் விசாரணையில் கூறியுள்ளான்.
தப்பியோடிய இன்னொரு கொள்ளையன் பெயர் சீராத்தோப்பு சுரேஷ் எனவும், அந்த கொள்ளையனின் உறவினர் முருகன் இதற்கு முன்னர் பல திருட்டு சம்பவங்களில் சமபந்தபட்ட பலே திருடன் என கூறப்படுகிறது.