திருச்சி மாநகராட்சி பகுதியில் திறந்தவெளி உடற்பயிற்சி கூடம்..,

திருச்சி:பொதுமக்கள் வசதிக்காக திருச்சி மாநகராட்சியில்  திறந்த வெளி உடற்பயிற்சி கூடம் அமைக்கப்பட்டு வருகிறது. ஏற்கனவே வயலூர் சாலையில் கோ.அபிஷேகபுரம் கோட்டம் அருகில், மத்தியபஸ் நிலையம் அருகில், தில்லைநகர் பூங்கா ஆகிய மூன்று இடங்களில் திறந்தவெளி பூங்கா அமைக்கப்பட்டு பயன்பாட்டில் இருக்கிறது.இவ்வாறு உடற்பயிற்ச்சி கூடம் அமைத்தது பொதுமக்களிடம் அதிகஅளவில் வரவேற்பை பெற்றுள்ளதைத் தொடர்ந்து திறந்தவெளி உடற்பயிற்சி கூடத்தை கூடுதல்இடங்களில் அமைப்பதற்கு மாநகராட்சி நிர்வாகம் முடிவெடுத்து  மாநகராட்சி ரூ.65லட்சம் நிதி ஒதுக்கீடு செய்தது. அதையடுத்து தற்போது 38வது வார்டு ராஜாராம் சாலை, சின்னசாமி பூங்கா ஆகிய இடங்களில் தலா ரூ.9.80 லட்சம் என மொத்தம் ரூ.19.80லட்சம் மதிப்பில் திறந்தவெளி உடற்பயிற்சி கூடம் அமைக்கும் பணி துவங்கிஉள்ளது. அதேபோல் அண்ணாநகர் சாலையிலும் ரூ.45லட்சம் மதிப்பில் நடைபயிற்சியுடன் கூடிய திறந்தவெளி உடற்பயிற்சி கூடம் அமைக்கும் பணி நடைபெற்று வருகிறது.