33 பேர் கொண்ட உயர்மட்ட மருத்துவ குழு தீக்காயம் அடைந்தவர்களுக்கு சிகிச்சை!

இந்நிலையில், மதுரை அரசு மருத்துவமனையில் இன்று (செவ்வாய் கிழமை) செய்தியாளர்களிடம் பேசிய சுகாதார துறை செயலாளர் ராதாகிருஷ்ணன்,

“குரங்கணி காட்டுத்தீ விபத்தில் காயமடைந்த மொத்தம் 24 பேரில், 4 பேருக்கு 70-90 சதவீதம் தீக்காயமும், 4 பேருக்கு 50-70 சதவீதம் தீக்காயமும், 13 பேருக்கு 50-90 சதவீதம் தீக்காயமும், 3 பேருக்கு 50 சதவீதத்துக்கும் குறைவான தீக்காயமும் ஏற்பட்டுள்ளது.

இவர்களுக்கு சிகிச்சை அளிப்பதற்காக 9 பிளாஸ்டிக் சர்ஜன், 6 மனநல மருத்துவர்கள், 5 பொது மருத்துவ நிபுணர்கள் உட்பட 33 பேர் அடங்கிய உயர்மட்ட மருத்துவக் குழு நிபுணர்கள் 24 மனிநேரமும் செயல்பட்டு வருகின்றனர். தவிர சிறப்பு செவிலியர் குழுவும் நியமிக்கப்பட்டுள்ளது” எனக் கூறினார்.