பல்வேறு கோரிக்கைகளை வலியுறுத்தி போக்குவரத்து ஊழியர்கள் இன்று ஆர்ப்பாட்டம்…!

இன்று  போக்குவரத்து ஊழியர்கள் பல்வேறு கோரிக்கைகளை வலியுறுத்தி ஆர்ப்பாட்டம் நடத்த உள்ளனர். 

மாநகரப் போக்குவரத்துக் கழக ஊழியர்கள், பல்வேறு கோரிக்கைகளை வலியுறுத்தி இன்று ஆர்ப்பாட்டம் மேற்கொள்ள உள்ளனர்.

இது தொடர்பாக அரசுப் போக்குவரத்து ஊழியர் சங்கப் பொதுச் செயலர் வி.தயானந்தம், மாநகரப் போக்குவரத்து மேலாண்மை இயக்குநருக்கு கடிதம் அனுப்பியுள்ளார். 14-வது ஊதிய ஒப்பந்தம், காலி பணியிடங்களை நிரப்ப வேண்டும், ஓட்டுநர், நடத்துநர்கள் அவரவர் வழித்தடங்களில் பணியாற்ற நடவடிக்கை எடுக்க வேண்டும். பணி இல்லாத நடத்துநர்களுக்கு, மாற்றுப் பணி வழங்க வேண்டும் உள்பட பல்வேறு கோரிக்கைகளை வலியுறுத்தி  உள்ளதாக தெரிவித்துள்ளனர்.

மேலும், திமுக அரசு போக்குவரத்துக் கழக ஊழியர்களுக்கான கோரிக்கைகளை நிறைவேற்றும் என வாக்குறுதி அளித்த நிலையில், அதை நிறைவேற்றாததால், போராட்டம் நடத்தப்போவதாகவும் அறிவுறுத்தியுள்ளனர்.