தூத்துக்குடியில் பணியாற்றிய இரண்டு காவல் ஆய்வாளர்கள் இடமாற்றம்..!

by Dinasuvadu deskPosted on June 3, 2018

தூத்துக்குடி சிப்காட் காவல் ஆய்வாளர் மற்றும் அவரது மனைவியான தாளமுத்துநகர் காவல் ஆய்வாளர் ஆகியோர் இடமாற்றம் செய்யப்பட்டுள்ளனர்.

ஸ்டெர்லைட் ஆலைக்கு எதிரான போராட்டத்தின் போது நடந்த துப்பாக்கிச் சூட்டில் 13 பேர் உயிரிழந்தனர்.

பலியானவர்களின் உடல்களை வாங்க மறுக்கும் குடும்பத்தினரை சிப்காட் காவல் ஆய்வாளர் ஹரிஹரன் மற்றும் அவரது மனைவியான தாளமுத்துநகர் காவல் ஆய்வாளர் வனிதா ஆகியோர் மிரட்டி வருவதாக வாட்ஸ்ஆப்பில் தகவல் பரவியதாக கூறப்படுகிறது.

இந்நிலையில், இரு காவல் ஆய்வாளர்களையும் மதுரை மண்டலத்திற்கு பணியிட மாற்றம் செய்து, தென் மண்டல ஐஜி சைலேஷ்குமார் யாதவ் உத்தரவிட்டுள்ளார்.