இன்று முதல் தமிழகம் முழுவதும் ரயில் சேவைகளுக்கு அனுமதி!

5 மாதங்களுக்கு பின், தமிழகம் முழுவதும் இன்று முதல் ரயில்வே சேவைகள் தொடங்கியுள்ளது.

ரயில் தமிழகத்தில் தளர்வுகளுடன் கூடிய ஊரடங்கு முடிவடைய உள்ள நிலையில், கொரோனா தடுப்பு நடவடிக்கையாக, கூடுதல் தளர்வுகளுடனான ஊரடங்கை செப். 30- ம் தேதி வரை நீட்டித்து தமிழக அரசு உத்தரவிட்டுள்ளது.

தமிழகத்தில் வரும் செப்டம்பர் 7- ம் தேதி முதல் தமிழகம் முழுவதும் இரயில் போக்குவரத்துக்கு அனுமதி வழங்கப்படவுள்ளதாக தமிழக அரசு அறிவித்தது. பொதுமக்கள் நலனைக் கருத்தில் கொண்டு அரசு பல்வேறு தளர்வுகளை அளித்து வருகிறது.

அதன்படி, பொதுமக்கள் வெளியில் செல்லும்போது முக கவசம் அணிவது, அடிக்கடி சோப், கிருமிநாசினியை பயன்படுத்தி கைகளைக் கழுவுவது, சமூக இடைவெளியை கடைபிடிப்பது உள்ளிட்ட அரசு அறிவித்த பாதுகாப்பு வழிகாட்டு நெறிமுறைகளுடன் 5 மாதங்களுக்கு பின், இன்று முதல் மாவட்டங்களுக்கிடையே ரயில் சேவைகள் தொடங்கியது.