இன்றைய (28.4.2023) பெட்ரோல், டீசல் விலை..!

342-வது நாளாக பெட்ரோல் மற்றும் டீசல் விலை மாற்றமில்லாமல் விற்கப்படுகிறது.

கச்சா எண்ணெய் உற்பத்தியை தினசரி 10 லட்சம் பீப்பாய்க்கு (பேரல்) மேல் குறைக்க ஒபெக் நாடுகள் கடந்த சில மாதங்களுக்கு முன் முடிவு செய்திருந்ததால் கச்சா எண்ணெய் விலை 6% உயர்ந்தது. கச்சா எண்ணெய் விலை தொடர்ந்து உயர்ந்துகொண்டே வருவதால் இந்தியாவில் பெட்ரோல், டீசல் விலை உயர்த்தப்படுவதற்கு வாய்ப்புகள் அதிகமாக இருந்தது.

ஆனால், தற்போதைய நிலையில் சர்வதேச சந்தையில் கச்சா எண்ணெய் விலை கடுமையாக  சரிந்திருக்கிறது. அந்த வகையில், இந்தியாவில் 1 பிபிஎல் கச்சா எண்ணெய் 105.00 அல்லது 1.68% எனக் குறைந்து ரூ.6,130 ஆக உள்ளது. கச்சா எண்ணெய் விலை சரிவில் இருந்தபோதிலும் பெட்ரோல், டீசல் விலை குறையவில்லை.

ஓராண்டை நெருங்கியபோதிலும் எந்தவித மாற்றமும் இல்லாமல் பெட்ரோல் மற்றும் டீசல் விற்பனை செய்யப்படுகிறது. 342-ஆவது நாளாக பெட்ரோல் மற்றும் டீசல் விலையில் மாற்றம் இல்லாமல் சென்னையில் இன்று காலை நிலவரப்படி, பெட்ரோல் விலை லிட்டருக்கு ரூ.102.63 க்கும், டீசல் விலை லிட்டருக்கு ரூ.94.24 க்கும் விற்பனையாகி வருகிறது.