மதுரையில் மாடு தான் பிடிப்பார்கள்..! செல்லூர் ராஜு புலிவாலை பிடித்துள்ளார் – அமைச்சர் தங்கம் தென்னரசு

மதுரையில் மாடு தான் பிடிப்பார்கள். ஆனால், முன்னாள் அமைச்சர் செல்லூர் ராஜு புலி வாலைபிடித்து படம் வெளியிட்டுள்ளார் என அமைச்சர் தங்கம் தென்னரசு பேட்டி. 

இன்று நடைபெற்ற சட்டப்பேரவை கூட்டத்தில் முன்னாள் அமைச்சர் செல்லூர் ராஜு அவர்கள், மதுரையில் எந்த தொழிலும் இல்லாத நிலையில் மெட்ரோ வந்து என்ன பயன் என்றும், தொழில்பேட்டை தொடங்குங்கள் ஆஹா ஓஹோ என   பாராட்டப்படும் என தெரிவித்தார்.

செல்லூர் ராஜுவின் கேள்விக்கு பதிலளித்த, அமைச்சர் தங்கம் தென்னரசு அவர்கள், மதுரை மக்கள் மட்டுமல்ல தமிழ்நாட்டு மக்களே அண்ணனை பார்த்து ஆகா ஓகோ என்றுதான் பாராட்டுகிறார்கள். மதுரையில் மாடு தான் பிடிப்பார்கள். ஆனால், முன்னாள் அமைச்சர் செல்லூர் ராஜு புலி வாலைபிடித்து படம் வெளியிட்டுள்ளார்.

இதிலிருந்து அண்ணனின் வீரம் தெரிகிறது என்று தெரிவித்தார். இதனால் அவையில் சிரிப்பொலி ஏற்பட்டது. தென் மாவட்டங்களில் தொழில் வளர்ச்சிக்கு முக்கியத்துவம் அளிக்க வேண்டும் என முதல்வர் அவர்கள் அறிவுறுத்தி உள்ளதாகவும், மதுரையில் 600 கோடி ரூபாய் மதிப்பீட்டில் டைடல் பார்க் அமைக்க முதலமைச்சர் அறிவித்துள்ளதாகவும் , மதுரையில் நிச்சயமாக புதிய தொழில் பேட்டை தொடங்கப்படும் என்றும்  அவர் கூறியுள்ளார்.