மத்திய பட்ஜெட்டில் எந்த தெளிவான அறிவிப்புகளும் இல்லை -கனிமொழி

மத்திய பட்ஜெட்டில் எந்த தெளிவான அறிவிப்புகளும் இல்லை என்று திமுக எம்.பி. கனிமொழி தெரிவித்துள்ளார்.

திமுக எம்.பி. கனிமொழி செய்தியாளர்களை சந்தித்தார்.அப்பொழுது அவர் கூறுகையில், திமுக தலைவர் ஸ்டாலின் வகித்த இளைஞரணி செயலாளர் பதவி தான். தந்தையைப் போல சிறப்பாக பணியாற்ற உதயநிதிக்கு என்னுடைய வாழ்த்துக்கள். மத்திய பட்ஜெட்டில் எந்த தெளிவான அறிவிப்புகளும் இல்லை. சாமானிய மக்களுக்கு எந்த அறிவிப்புகளும் கிடையாது.

நிறைவேற்றியிருப்பதாக மத்திய அரசு சொல்லக்கூடிய பல சாதனைகள் தேடக்கூடிய அளவிற்கு தான் இருக்கின்றது. தூய்மை இந்தியா திட்டம், வீடு கட்டிக் கொடுத்தல் உள்ளிட்ட எந்த திட்டமாக இருப்பினும் உண்மைக்கும் அரசு சொல்லும் புள்ளி விவரங்களுக்கும் இடையே அதிக இடைவெளி இருக்கிறது.

பொதுத்துறை நிறுவனங்களை தனியார் மயமாக்கும் முடிவில் மத்திய அரசு இருப்பதை பட்ஜெட்டில் தெளிவாகத் தெரிகிறது என்று திமுக எம்.பி. கனிமொழி தெரிவித்துள்ளார்.