செல்போன், கணிப்பொறி, வீட்டு உபயோக பொருட்கள் பழுது நீக்கும் கடைகளுக்கு தடையில்லை.!

செல்போன், கணிப்பொறி, வீட்டு உபயோக பொருட்கள் ஆகியவை பழுதுநீக்கும் கடைகள் திறக்கலாம் என அனுமதி வழங்கப்பட்டுள்ளது.

மத்திய உள்துறை அமைச்சகமானது, மே 4 முதல் அடுத்த 2 வாரங்களுக்கான சில தளர்வுகளை விதித்து நேற்று அறிவித்தது. அந்த தளர்வுகளை தமிழகத்தில் அமல்படுத்துவது தொடர்பாக தமிழக முதல்வர் எடப்பாடி பழனிசாமி தலைமையில் ஆலோசனை கூட்டம் நடைபெற்றது.

அந்த ஆலோசனை கூட்டம் முடிந்து தமிழகத்திற்கான பல்வறு தளர்வுகளை அரசு அறிவித்துள்ளது. அதில், கொரோனா பாதிக்கப்பட்டு பாதுகாக்கப்பட்ட பகுதியாக இருக்கும் பகுதிகளில் தற்போதுள்ள நடைமுறைகளே தொடரும் எனவும்,

மற்ற பகுதிகளில் பல்வேறு தளர்வுகள் அறிவிக்கப்பட்டுள்ளன. அதில், செல்போன், கணிப்பொறி, வீட்டு உபயோக பொருட்கள் ஆகியவை பழுதுநீக்கும் கடைகள் திறக்கலாம் என அனுமதி வழங்கப்பட்டுள்ளது. இந்த கடைகள் காலை 10 மணி முதல் மாலை 5 மணி வரையில் இயங்க அனுமதி அளிக்கப்பட்டுள்ளது.

மால் மற்றும் வணிக வளாகங்கள் தவிர மற்ற தனிக்கடைகளை திறக்க மாவட்டத்தில் உள்ள சூழ்நிலைக்கேற்ப ஆட்சியர் அனுமதி அளிக்கலாம். எனவும் குறிப்பிடப்பட்டுள்ளது.