திருவான்மியூர் சந்தை மாற்று இடத்தில் செயல்படும் -சென்னை மாநகராட்சி

மே 6-ம் தேதி முதல் மாற்று இடத்தில் திருவான்மியூர் சந்தை செயல்படும் என சென்னை மாநகராட்சி தெரிவித்துள்ளது.

சென்னையில் நேற்று 203 பேருக்கு கொரோனா வைரஸ் உறுதியாகியுள்ளது. இதனால், அங்கு கொரோனவால் பாதிக்கப்பட்டவர்களின் எண்ணிக்கை 1,458 ஆக அதிகரித்துள்ளது. 

கோயம்பேடு காய்கறி மார்க்கெட்டில் கடந்த சில நாள்களாக பலருக்கு கொரோனா தொற்று உறுதி செய்யப்பட்டுள்ள நிலையில், இங்கிருந்து வெளியூர் சென்றவர்களுக்கும் தொற்று கண்டுபிடிக்கப்பட்டுள்ளது.

இந்நிலையில், திருவான்மியூரில் உள்ள காய்கறி சந்தையில் 63 வயது மதிப்புத்தக்க வியாபாரி ஒருவர் கோயம்பேடு சந்தையிலிருந்து பொருட்களை எடுத்து வருவது வழக்கம், இதைதொடர்ந்து அவருக்கு  கடந்த சனிக்கிழமை கொரோனா உறுதி செய்யப்பட்டுள்ளது.

வியாபாரிக்கு கொரோனா தொற்று ஏற்பட்டதை தொடர்ந்து நேற்று கிருமி நாசினி தெளிக்கப்பட்டு திருவான்மியூர் சந்தை மூடப்பட்டது. மே 6-ம் தேதி முதல் மாற்று இடத்தில் திருவான்மியூர் சந்தை செயல்படும் என சென்னை மாநகராட்சி தெரிவித்துள்ளது.