அமைச்சருடனான பேச்சுவார்தையில் சுமூக முடிவு.! அங்கன்வாடி ஊழியர்களின் போராட்டம் வாபஸ்.!

தமிழகம் முழுவதிலும் காத்திருப்பு போராட்டத்தில் ஈடுபட்டு வந்த அங்கன்வாடி ஊழியர்கள் போராட்டம் வாபஸ் பெறப்பட்டது. 

தமிழகம் முழுவதும் நேற்று முதல் அங்கன்வாடி ஊழியர்கள் காத்திருப்பு போராட்டத்தில் ஈடுப்பட்டு வந்தனர். ஊதிய உயர்வு, கோடை விடுமுறை உள்ளிட்ட பல்வேறு கோரிக்கைகளை முன்வைத்து தமிழ்நாடு அங்கன்வாடி மற்றும் உதவியாளர் சங்கத்தின் நேற்று மாலை முதல் அந்தந்த மாவட்ட ஆட்சியர் அலுவலகம் முன்பு போராட்டம் நடத்த தொடங்கினர்.

இந்த போராட்டமானது, நேற்று இரவு முழுவதும் தொடர்ந்து இன்று காலையிலும் தொடங்கியது. போராட்டம்  ஊழியர்களுடன் அமைச்சர் கீதாஜீவன் தூத்துக்குடியில் பேச்சுவார்த்தை நடத்தினார். அமைச்சருடனான இந்த பேச்சுவார்த்தையில் உடன்பாடு ஏற்பட்டதை தொடர்ந்து இந்த போராட்டம் வாபஸ் பெற்று கொள்ளப்படுவதாக அறிவிக்கப்பட்டுவிட்டது.