நாகர்கோவில் வணிகர் சங்கங்களின் பேரவை ஆர்ப்பாட்டம் ..,

நாகர்கோவில்: விவசாயிகளின் பல்லாண்டுகால கோரிக்கையான காவிரி மேலாண்மை வாரியம் அமைக்க கேட்டு நீண்ட நாட்களாக தமிழக அரசோடு இணைந்து நடத்தும் சட்ட போராட்டத்தின் விளைவாக உச்சநீதிமன்றம் காவிரி மேலாண்மை வாரியம் அமைக்க காலநிர்ணயம் செய்தும் மத்திய அரசு அதனை செய்யாமல் காலம் தாழ்த்துகின்றது.இதனை கண்டித்தும் மாநில அரசின் கண்டிப்பான நடவடிக்கைகளுக்கு பதிலாக காலம் தாழ்த்துகின்ற பணிகளை மேற்கொள்கின்ற தமிழக அரசை கண்டித்தும் நாகர்கோவில் தலைமை தபால் நிலையம் முன்பு தமிழ்நாடு வணிகர் சங்கங்களின் பேரவை சார்பில் நேற்று கண்டன ஆர்ப்பாட்டம் நடந்தது.  ஆர்ப்பாட்டத்தின்போது ஜிஎஸ்டி வரி விதிப்புக்கு கண்டனம் தெரிவித்தும், உணவு பாதுகாப்பு தர நிர்ணய சட்டத்தை கைவிட வேண்டியும், ஆன்லைன் வர்த்தகத்தை தடை செய்ய  கோரியும் கோஷங்கள் போட்டனர்.