நான் மீண்டும் வருவேன்.. ஃபீல் பண்ணாதீங்க.! – மாணவி பிரியாவின் வருத்தப்பட வைத்த கடைசி ஸ்டேட்டஸ்..

நான் இன்னும் அதிகமான பலத்துடன் மீண்டும் வருவேன். யாரும் கவலைப்படாதீர்கள். என்னுடைய விளையாட்டு என்னை விட்டு போகாது. – உயிரிழந்த மாணவி பிரியாவின் கடைசி வாட்சப் ஸ்டேட்டஸ்.

சென்னை வியாசர்பாடி பகுதியை சேர்ந்த ரவிக்குமார் என்பவரது மகள் பிரியா, கால்பந்தாட்ட வீராங்கனையாக இவர் கடந்த சில நாட்களுக்கு முன்னர் விளையாடும் போது காலில் அடிபட்டதன் காரணமாக பெரியார் அரசு மருத்துவமனையில் அனுமதிக்கப்பட்டார்.

இதன் பின்னர் காலில் அறுவை சிகிச்சை செய்யப்பட்டது. அதன் பின்னர் மாணவியின் கால் வீங்கியதை அடுத்து, ரஜீவகாந்தி அரசு மருத்துவமனையில் சேர்க்கப்பட்டுள்ளார். அங்கு அவரது கால் அகற்றப்பட்டுள்ளது. அதன் பின்னர் இன்று காலை மாணவி பிரியா உயிரிழந்துள்ளார்.

இதில் பிரியாவுக்கு சிகிச்சை அளித்த மருத்துவர்கள் சஸ்பெண்ட் செய்யப்பட்டுள்ளனர். தமிழக அரசு சார்பில் நிவாரண தொகையும் அறிவித்துள்ளது.

இந்நிலையில், மாணவி பிரியா தான் இறப்பதற்கு சில நாட்களுக்கு முன்னர் தனது செல்போனில் வைத்த வாட்சாப் ஸ்டேட்டஸ் என்று ஒரு இணையத்தில் வெளியாகியுள்ளது. அதில், நான் இன்னும் அதிகமான பலத்துடன் மீண்டும் வருவேன். யாரும் கவலைப்படாதீர்கள். என்னுடைய விளையாட்டு என்னை விட்டு போகாது . நான் மீண்டும் வருவேன் என நம்பிக்கையோடு இருங்கள். என அதில் குறிப்பிட்டுள்ளார் மறைந்த கால்பந்தாட்ட வீராங்கனை பிரியா.