கலைஞர் அரங்கை கொரோனா தனிமை முகாமாக அரசு பயன்படுத்திக் கொள்ளலாம் – மு.க.ஸ்டாலின்

உலகையே அச்சுறுத்தி வரும் கொரோனா வைரஸை கட்டுப்படுத்த உலக நாடுகள் போராடி வருகிறது. கொரோனவால் பலியும், பாதிப்பும் நாளுக்கு நாள் அதிகரித்து வருகிறது. இந்த வைரஸின் தாக்கம் இந்தியாவில் வேகமாக பரவி வருகிறது. இதன் முன்னெச்சரிக்கையாக 21 நாட்கள் ஊரடங்கு அமல்படுத்தப்பட்டுள்ளது. இந்தியாவில் இதுவரை 1251 பேர் பாதித்துள்ளார்கள், 32 பேர் உயிரிழந்துள்ளனர். 

இந்நிலையில் தமிழகத்தில் கொரோனாவால் பாதித்தவர்களின் எண்ணிக்கை 74 ஆக உயர்ந்துள்ளது. தினந்தோறும் பாதிப்பு அதிகரித்து வருவதால், போதுமான சுகாதார கட்டமை வசதிகள் பற்றாக்குறையாக இருக்கிறது. சுகாதார கட்டமைப்பில் சிறந்து விளங்கும் நாடுகளே செய்வதறியாது திணறி வருகின்றன. இந்த நிலையில் காலியாக இருக்கும் பெரிய இடங்கள், தனியாருக்கு சொந்தமான வளாகங்கள் போன்றவைகளை அரசிடம் ஒப்படைத்து கொரோனாவுக்கு தனிமை முகமாக மாற்ற ஒப்புதல் அளித்து வருகிறார்கள். அந்த வகையில் சென்னை அண்ணா அறிவாலயத்தில் உள்ள கலைஞர் அரங்கை கொரோனா தனிமை முகாமாக அரசு பயன்படுத்திக் கொள்ளலாம் என மு.க.ஸ்டாலினின் மனுவை மாநகராட்சி ஆணையரிடம் எம்எல்ஏ சேகர்பாபு வழங்கினார்.