உலகில் முதலில் பிறந்த குரங்கு தமிழ் குரங்குதான் – முதல்வர் மு.க.ஸ்டாலின்

அவமானம் துடைக்கபட்ட நாள் மற்றும் தாழ்ந்து கிடந்த தமிழ்நாட்டை தலை நிமிர செய்த நாள் இந்த ஜூலை 18 தான் என முதல்வர் பேச்சு.

சென்னை கலைவாணர் அரங்கில் ‘தமிழ்நாடு நாள்’ விழா நடைபெற்று வருகிறது. இந்த விழாவில், முதலமைச்சர் மு.க.ஸ்டாலின் காணொலி வாயிலாக பங்கேற்றுள்ளார்.

அப்போது பேசிய அவர், தமிழ்நாடு நாள் விழாவை சிறப்பாக ஏற்பாடு செய்தவர்களை பாராட்டுகிறேன். தமிழ்நாடு நாள் என சொல்லும் போதே, உள்ளத்தில் மகிழ்ச்சி ஏற்படுகிறது. தமிழ்நாடு நாள் விழாவில் நேரில் வந்து பங்கேற்க முடியாதது வருத்தம் அளிக்கிறது. தமிழ்நாடு என்ற பெயர் சாதாரணமாக கிடைத்ததல்ல. பல்வேறு போராட்டங்களுக்கு பிறகே தமிழ்நாடு என்ற பெயர் கிடைத்தது என தெரிவித்துள்ளார்.

மேலும், திமுக ஆட்சிக்கு அமர்ந்த பின் தான் தமிழ்நாடு என பெயர் சூட்டப்பட்டது, இல்லாவிடில் உ.பி, ம.பி என்பது போல தமிழ்நாடும் இன்று சென்னை பிரதேசம் என்றே அடையாள படுத்தபட்டிருக்கும்.

உலகில் முதலில் பிறந்த குரங்கு தமிழ் குரங்கு தான். நம்மை சிலர் கிண்டல் செய்கிறார்கள். நாம் எத்தனை சொன்னாலும் ஆய்வு மூலம் தான் சொல்கிறோம். எதையும் கற்பனை மூலம் சொல்லவில்லை. அவமானம் துடைக்கபட்ட நாள் மற்றும் தாழ்ந்து கிடந்த தமிழ்நாட்டை தலை நிமிர செய்த நாள் இந்த ஜூலை 18 தான் என்று தெரிவித்துள்ளார்.