அரசு பள்ளிக்குள் நுழைந்து ஆசிரியையை தாக்கிய போதை ஆசாமி…! போலீசார்

புதுக்கோட்டையில் அரசு பள்ளிக்குள் நுழைந்து ஆசிரியையை தாக்கிய போதை ஆசாமி. 

புதுக்கோட்டை மாவட்டம் ஆலங்குடியில் உள்ள மாருதி நகரைச் சேர்ந்தவர் ஆசிரியை சித்திரா தேவி. இவர் ஆலங்குடி அருகே உள்ள கன்னியான்கொல்லை என்னும் கிராமத்தில் உள்ள அரசு தொடக்கப் பள்ளியில் ஆசிரியையாக பணிபுரிந்து வருகிறார்.

சித்ரா தேவி வழக்கம் போல் பள்ளி வகுப்பறையில் பாடம் எடுத்துக் கொண்டிருந்த போது,  அங்கு வந்த வாணக்கன்காட்டைச் சேர்ந்த சித்திரைவேல் என்பவர் போதையில், வகுப்பறைக்குள் நுழைந்து, ஆசிரியை சித்ரா தேவியை கன்னத்தில் அறைந்ததோடு, கொலை மிரட்டல் விடுத்துள்ளார்.

இதனையடுத்து அங்கிருந்தவர்கள் சித்திரவேலை குண்டுக்கட்டாக தூக்கி வெளியே அனுப்பியுள்ளனர். இதனையடுத்து இந்த சம்பவம் தொடர்பாக காவல்நிலையத்தில் வழக்குப்பதிவு செய்யப்பட்டதையடுத்து, இதுதொடர்பாக போலீசார் விசாரணை மேற்கொண்டு வருகின்றனர்.