குழந்தைகளை காண திருவாரூரில் இருந்து சென்னைக்கு நடைபயணம் சென்றவர்களுக்கு உதவிய போலீசார்

திருவாரூரில் இருந்து சென்னைக்கு நடைப்பயணமாக சென்று கொண்டிருந்தவர்களுக்கு உணவு அளித்து லாரி மூலமாக கொள்ளிடம் போலீசார் அனுப்பி வைத்தனர்.
சென்னை பூர்விகமாக கொண்ட பெண்கள் உட்பட 15 பேர் சில மாதங்களுக்கு முன்னர் பிழைப்பிற்காக திருவாரூருக்கு சென்றுள்ளனர்.ஊரடங்கு உத்தரவு பிறப்பிக்கப்பட்டுள்ள நிலையில் சென்னைக்கு திரும்பமுடியாமல் தவித்துள்ளனர்.இதனால் சென்னையில் உள்ள தங்களது குழந்தைகளை காண வேண்டும் என்பதால் திருவாரூரில் இருந்து நடைபயணம் மேற்கொண்டனர்.கொள்ளிடம் சென்ற அவர்களிடம் போலீசார் விசாரணை மேற்கொண்டனர் .இதன் பின்னர் அவர்களுக்கு சாப்பிட பிஸ்கட் உள்ளிட்டவை வழங்கி அவர்கள் சென்னை செல்ல லாரி ஒன்றை ஏற்பாடு செய்து அனுப்பி வைத்தனர் போலீசார்.