மாற்றுத்திறனாளி கிரிக்கெட் வீரரை பேருந்தில் ஏற்ற மறுத்த நடத்துனர் சஸ்பெண்ட்..!

மாற்றுத்திறனாளி கிரிக்கெட் வீரர் சச்சின் சிவாவை பேருந்தில் ஏற்ற மறுத்த நடத்துனர் ராஜா சஸ்பெண்ட். 

மாற்றுத்திறனாளி இந்திய கிரிக்கெட் அணியின் கேப்டன் சச்சின் சிவா சென்னையில் இருந்து மதுரை செல்வதற்காக அரசு பேருந்து ஒன்றில் ஏறி உள்ளார். அப்போது சச்சின் சிவாவை அந்த பேருந்தின் கண்டக்டர் ராஜா என்பவர் இந்த பஸ்ஸில் மாற்றுத்திறனாளிகளுக்கான அனுமதி இல்லை என மறுத்ததோடு, அவரை அவமரியாதையாக பேசியதாக கூறப்படுகிறது.

மேலும், போலீசார் முன்பதாகவே நீ மதுரைக்கு வா பார்த்துக் கொள்ளலாம் என ராஜா பகிரங்கமாக மிரட்டல் விடுத்ததாகவும் கூறப்படுகிறது. இதனையடுத்து  மற்றொரு பேருந்து மூலமாக சச்சின் சிவா மதுரை வந்துள்ளார். பின், மாட்டுத்தாவணியில் உள்ள எஸ்இடிசி மண்டல விசாரணை அலுவலகத்தில் ராஜா மீது புகார் அளித்தார்.

புகாரின் அடிப்படையில் ராஜா உடனடியாக சஸ்பெண்ட் செய்யப்பட்டுள்ளார். இதுகுறித்து சச்சின் சிவா அவர்கள் கூறுகையில், தமிழகம் முழுவதும் மாற்றுத்திறனாளிகளுக்கு இது போன்ற நிலை தான் காணப்படுகிறது. இனி வரும் காலங்களில் இதுபோன்ற நிலை ஏற்படக்கூடாது என்பதற்காக தான் புகார் அளித்ததாக தெரிவித்துள்ளார்.