நடிகர் சூரிக்கு சொந்தமான உணவகங்களில் வணிக வரித்துறையினர் சோதனை…!

நடிகர் சூரி மற்றும் அவரது சகோதரர் சொந்தமான அம்மன்  உணவகங்களில் வணிகவரித்துறை அதிகாரிகள் சோதனை மேற்கொண்டனர்.

நடிகர் சூரி மற்றும் அவரது சகோதரர் சொந்தமான அம்மன்  உணவகங்களில் வணிகவரித்துறை அதிகாரிகள் சோதனை மேற்கொண்டனர். சமீப நாட்களில் தொடங்கப்பட்ட இந்த உணவகத்தில் நாளுக்கு நாள் வாடிக்கையாளர்கள் எண்ணிக்கை அதிகரித்துக் கொண்டே இருப்பதாகவும், இவருக்கு சொந்தமான உணவகங்களில் உணவு பொருட்களுக்கு ஜிஎஸ்டி இல்லாமல் கட்டணம் வசூலிக்கப்படுவதாக பொதுமக்கள் தரப்பிலிருந்து புகார் தெரிவிக்கப்பட்டுள்ளது.

இதனடிப்படையில் அம்மன் உணவகங்களுக்கு   தலைமையிடமாக இருக்ககூடிய தெப்பக்குளம் பகுதியில் உள்ள அம்மன் உணவகத்தில் செந்தில் தலைமையிலான வணிக வரித்துறை அதிகாரிகள் சோதனை மேற்கொண்ட நிலையில், ஜிஎஸ்டி வரி செலுத்தவில்லை என்பது உறுதியாகி உள்ளது.

இதனையடுத்து, 3 நாட்களுக்குள் உணவக உரிமையாளர் மற்றும் மேலாளர் நேரில் ஆஜராகி விளக்கமளிக்க வேண்டும் என  அதிகாரிகள்உத்தரவிட்டுள்ளனர்.