முதலமைச்சர் அறிவித்திருப்பது வரவேற்கத்தக்கது-அன்புமணி

 ஊரடங்கு கட்டுப்பாடுகள் தொடரும் என முதலமைச்சர் அறிவித்திருப்பது வரவேற்கத்தக்கது  என்று அன்புமணி  தெரிவித்துள்ளார்.

இந்தியாவில் கொரோனாவின் பாதிப்பு நாளுக்கு நாள் அதிகரித்து கொண்டு செல்கிறது. கொரோனா பரவலை தடுக்க மத்திய அரசு இரண்டாவது முறையாக மே 3-ஆம் தேதி வரை ஊரடங்கை நீட்டித்தது. இந்த ஊரடங்கில் சில தளர்வுகளை மத்திய அரசு அறிவித்தது. அந்த தளர்வுகள் நேற்று  முதல் அமல்ப்படுத்தப்பட்டது.எனவே நேற்று   முதலமைச்சர் பழனிச்சாமி தலைமையில் ஊரடங்கு குறித்து ஆலோசனை கூட்டம் நடைபெற்றது.அந்த ஆலோசனை கூட்டத்தில், மே 3 வரை ஊரடங்கில் எந்த தளர்வு இல்லை  என்று முதலமைச்சர் அறிவித்தார் .

இந்நிலையில் இது  குறித்து பாமக எம்பி அன்புமணி ராமதாஸ்  கூறுகையில்,மே 3-ஆம் தேதி வரை ஊரடங்கு கட்டுப்பாடுகள் தொடரும் என முதலமைச்சர் அறிவித்திருப்பது வரவேற்கத்தக்கது.  கொரோனா பரவல் தடுப்பில் தமிழக அரசு சரியான பாதையில் செல்வதை இது காட்டுகிறது என்று தெரிவித்துள்ளார்.