முதலமைச்சரின் செயல் கண்டனத்துக்குரியது! அடித்தால் திருப்பி அடிப்பேன் – அண்ணாமலை

ஒரு கன்னத்தில் அடித்தால், மறு கன்னத்தை காட்ட நான் இயேசுநாதர் கிடையாது பாஜக மாநில தலைவர் அண்ணாமலை பேட்டி.

சென்னையில் செய்தியாளர்களிடம் பேசிய பாஜக மாநில தலைவர் அண்ணாமலை, தமிழக முதல்வர் தான் மத அரசியல் செய்கிறார், பாஜக செய்யவில்லை. தீபாவளிக்கு வாழ்த்து சொல்லமாட்டேன், விநாயகர் சதுர்த்திக்கு வாழ்த்து சொல்லமாட்டேன். இதுதான் திமுக அரசு. ஆனால், பாஜக அனைத்து மதத்தினரின் பண்டிகைக்கும் வாழ்த்து தெரிவித்து, அனைத்து மதத்தினரும் ஒன்று என ஏற்கிறோம்.

முதன் முதலாக விநாயகர் சதுர்த்திக்கு அரசு விடுமுறை அறிவித்தவர் பேரறிஞர் அண்ணா. இப்பொழுது இருக்கின்ற தமிழகத்தின் முதலமைச்சர் வாழ்த்து கூட தெரிவிக்கவில்லை. இது கண்டனத்திற்கு உரியது. அறநிலையத்துறை விநாயகர் சதுர்த்தி வாழ்த்து கூறியதை திமுக எம்.பி செந்தில் விமர்சிப்பதை ஏற்க முடியாது.

விநாயகர் சதுர்த்திக்கு இந்து சமய அறநிலையத்துறை வாழ்த்து கூறியதில் தவறில்லை. இவ்வளவு சமூக நீதி பேசுகிறது திமுக, முதல் பட்டதாரிகள் எத்தனை பேர் திமுகவில் இருக்கிறார்கள்?. அப்படி யாராவது வந்தால் அவர்களை தகாத வார்த்தைகளில் பேசுவார்கள் என தெரிவித்தார். ஒரு கன்னத்தில் அடித்தால், மறு கன்னத்தை காட்ட நான் இயேசுநாதர் கிடையாது. என்னை அடித்தால் நான் திரும்பி அடிப்பேன். இருமடங்காக அடிப்பேன்.

மரியாதையான ஆரசியலை திமுக செய்தால், நானும் அதை செய்வேன். நாளையே என்னுடைய தோட்டத்தில் விவசாயம் செய்து நான் பிழைத்துக் கொள்வேன். முதலமைச்சராலும், பழனிவேல் தியாகராஜனாலும் இதை செய்ய முடியுமா? அவர்களால் முடியாது. ஆனால் எனக்கு அந்த துணிவும் தைரியமும் இருக்கிறது என்றும் கூறியுள்ளார்.