ஆசிரியர் தேர்வு வாரியம் காலநீட்டிப்பை அறிவித்தது .!

ஆசிரியர் தேர்வு வாரியம் கடந்த  நவம்பர் மாதம் 27-ம் தேதி அறிவிப்பு ஒன்றை வெளியிட்டது. அதில் காலியாக உள்ள வட்டார கல்வி அலுவலர் பணியிடங்களுக்கு விண்ணப்பிக்கும் விண்ணப்பதாரர்கள் இணையம் வழியாக விண்ணப்பத்தினை விண்ணப்பிக்க கடைசி நாள் ஜனவரி 9 -ம் தேதி என அறிவித்திருந்தது.

இணையம் வழியாக விண்ணப்பிக்க பல விண்ணப்பதாரர்கள் விண்ணப்பித்து உள்ளனர். ஆனால் சில விண்ணப்பதாரர்கள் ஆசிரியர் தேர்வு மையத்திற்கு பல கோரிக்கைகள் வைத்தனர்.அதில் இணையத்தில் ஏற்பட்ட பிரச்சனை போன்ற பல்வேறு சிக்கல்களால் தங்களால் இணையம் வழியாக விண்ணப்பிக்க முடியவில்லை என கூறினார்.

மேலும் விண்ணப்பத்திற்கான காலநீட்டிப்பு செய்யும்படி கோரிக்கை வைத்துள்ளனர். இதனால் இணையம் வழியாக விண்ணப்பிக்கும் காலநீட்டிப்பை நேற்று ஆசிரியர் தேர்வு வாரியம் நீட்டிக்க முடிவு செய்தது.

அதன்படி விண்ணப்பங்களை வருகின்ற 21-ம் தேதி மாலை 5 மணி வரை விண்ணப்பதாரர்கள் விண்ணப்பிக்கலாம் என கூறியுள்ளது .மேலும் இந்த காலி பணியிடங்களுக்கான தேர்வு  பிப்ரவரி மாதம் 15 மற்றும் 16-ம் தேதி நடைபெறும் எனவும் கூறியுள்ளது.