தங்க தமிழ்செல்வன் அமமுகவிலிருந்து விலகி திமுகவில் இணைவார் -அமைச்சர் செல்லூர் ராஜூ தகவல்

தங்க தமிழ்செல்வன் அமமுகவிலிருந்து விலகி திமுகவில் இணைவார் என்று அமைச்சர் செல்லூர் ராஜூ தெரிவித்துள்ளார்.

இந்தியாவில் 7 கட்டமாக மக்களவை  தேர்தல் நடைபெற உள்ளது. இதில் 5 கட்டமாக தேர்தல் நடைபெற்று முடிந்துள்ளது.ஆனால் தமிழகத்தில் மட்டும் காலியாக உள்ள 22 தொகுதிகளில் இடைத்தேர்தல் நடைபெறும் என்று தேர்தல் ஆணையம் அறிவித்தது.ஆனால் 18 தொகுதிகளுக்கு மட்டும் முதலில் தேர்தல் நடைபெற்று முடிந்துள்ளது.மீதமுள்ள நான்கு தொகுதிகளில் மே19-ஆம் தேதி தேர்தல் நடைபெறுகிறது.

நேற்று அமமுக கொள்கை பரப்பு செயலாளர் தங்கதமிழ்செல்வன் செய்தியாளர்களை சந்தித்தார்.அப்போது அவர் பேசுகையில், 22 தொகுதிகளிலும் வெற்றிபெறுவோம்.அதிமுக  ஆட்சியை கலைக்க அமமுகவுக்கு திமுக ஆதரவு தர வேண்டும், இல்லையெனில் திமுக பயந்ததாக அர்த்தம்  என்று தங்கதமிழ்செல்வன் தெரிவித்தார்.

இது தொடர்பாக மதுரையில் அமைச்சர் செல்லூர் ராஜூ செய்தியாளர்களிடம் பேசினார்.அப்போது கூறுகையில்,செந்தில் பாலாஜியை தொடர்ந்து தங்க தமிழ்செல்வனும் அமமுகவிலிருந்து விலகி திமுகவில் இணைவார் என்று தெரிவித்துள்ளார்.