தமிழகத்தில் நடைபெற இருந்த எஸ்.ஐ . எழுத்துத்தேர்வு தேதி திடீர் மாற்றம் !

• காவல்துறை விண்ணப்பதாரர்களுக்கு 11-ம் தேதியும், பொது விண்ணப்பதாரர்களுக்கு 12-ம் தேதியும் எழுத்துத் தேர்வு நடைபெறும் என இருந்தது.
• காவல்துறை விண்ணப்பதாரர்களுக்கு 11-ம் தேதி நடைபெற இருந்த எழுத்துத் தேர்வு 13-ம் தேதிக்கு மாற்றம் செய்யப்பட்டு உள்ளது.

தமிழ்நாடு சீருடை பணியாளர் தேர்வாணையம் தாலுக்கா, ஆயுதப்படை மற்றும் தமிழ்நாடு சிறப்பு காவல்படை ஆகிய பிரிவுகளில் காலியாக உள்ள 969 சார்பு ஆய்வாளர்கள் பணிகளை நிரப்புவதற்காக வருகின்ற 11, 12 -ம் தேதிகளில் எழுத்துத் தேர்வு  நடத்த தேதிகள் அறிவித்து இருந்தது.

இந்த இரண்டு தேதிகளில் காவல்துறை விண்ணப்பதாரர்களுக்கு 11-ம் தேதியும், பொது விண்ணப்பதாரர்களுக்கு 12-ம் தேதியும் தமிழகத்தில் உள்ள 32 மாவட்டங்களில் எழுத்துத் தேர்வு நடைபெறும் என இருந்தது.

சமீபத்தில் சார்பு ஆய்வாளர் பணி தேர்வுக்கான ஹால் டிக்கெட் வழங்கப்பட்டது.இந்நிலையில் எழுத்துத் தேர்வு தேதிகளில் சிறிய மாற்றம் செய்யப்பட்டு உள்ளது.அதாவது காவல்துறை விண்ணப்பதாரர்களுக்கு 11-ம் தேதி நடைபெற இருந்த எழுத்துத் தேர்வு 13-ம் தேதிக்கு மாற்றம் செய்யப்பட்டு உள்ளது.

மேலும் அண்ணா பல்கலைக்கழகத்தில் தேர்வு எழுத இருந்தவர்களுக்கு தேர்வு மையம் மதுரவாயல் எம்.ஜி.ஆர் பல்கலைக்கழகத்திற்கு மாற்றம் செய்யப்பட்டதாகவும் தமிழ்நாடு சீருடை பணியாளர் தேர்வாணையம் அறிவித்து உள்ளது.