தமிழக அமைச்சருக்கு சிறைத்தண்டனை…! மேல்முறையீடு செய்ய முடிவு …!

வழக்கு தொடர்பாக மேல்முறையீடு செய்யப்படும் என்று  அமைச்சர் பாலகிருஷ்ண ரெட்டி தெரிவித்துள்ளார்.

1998ல் பேருந்துகள் மீது கல்வீசியதாக தொடரப்பட்ட வழக்கில் தமிழக அமைச்சர் பாலகிருஷ்ண ரெட்டிக்கு 3 ஆண்டுகள் சிறை தண்டனை விதித்து சென்னை சிறப்பு நீதிமன்றம் உத்தரவு பிறப்பித்துள்ளது.குற்றம்சாட்டப்பட்ட 108பேரில் 16பேர் குற்றவாளிகள் என சிறப்பு நீதிமன்றம் அறிவிப்பு வெளியிட்டுள்ளது.

தமிழக அமைச்சரவையில் தற்போது விளையாட்டுத்துறை அமைச்சராக உள்ளார் பாலகிருஷ்ண ரெட்டி. மக்கள் பிரதிநிதித்துவச் சட்டப்படி 2 ஆண்டுகளுக்கு மேல் சிறை தண்டனை பெற்றால் பதவி இழக்க நேரிடும். மேல்முறையீட்டில் தண்டனை உறுதியானால் 6 ஆண்டுகளுக்கு தேர்தலில் போட்டியிட முடியாது என்பது விதி ஆகும்.

இந்நிலையில் இது தொடர்பாக அமைச்சர் பாலகிருஷ்ண ரெட்டி கூறுகையில்,நான் வழக்கு தொடர்பாக மேல்முறையீடு செய்யப்படும்.அதேபோல் திமுக என் மீது பொய்யான வழக்கு தொடர்ந்துள்ளது.

சிறப்பு நீதிமன்ற தீர்ப்பை எதிர்த்து நாளை சென்னை உயர்நீதிமன்றத்தில் மேல்முறையீடு செய்யப்படும். 20 ஆண்டுகளுக்கு முன் நடந்த போராட்டத்தின்போது பதியப்பட்ட வழக்கு ஆகும் . வேறொன்றும் இல்லை என்று  அமைச்சர் பாலகிருஷ்ண ரெட்டி தெரிவித்துள்ளார்.