தமிழ்நாடு மின்மிகை மாநிலம் என்றால் உண்மையல்ல….! ப. சிதம்பரம்

தமிழ்நாடு மின் மிகை மாநிலம் என்று அதிமுக அரசு பீற்றிக் கொள்கிறது.

தமிழகத்தில் சட்டமன்ற தேர்தல் நெருங்கி வருவதை அடுத்து, தமிழக அரசியல் களத்தில் தேர்தல் பிரச்சாரம் அனல் பறக்கிறது. ஒவ்வொருவரும் தாங்கள் வெளியிட்டுள்ள தேர்தல் அறிக்கையை முன்வைத்து பிரச்சாரம் மேற்கொண்டு வருகின்றனர்.

இந்நிலையில், பா.சிதம்பரம் அவர்கள் தமிழ்நாடு மின் மிகை மாநிலம் என்று அதிமுக அரசு பீற்றிக் கொள்கிறது என்று தெரிவித்துள்ளார். இதுகுறித்து அவர் தனது ட்விட்டர் பக்கத்தில், ‘தமிழ்நாடு மின் மிகை மாநிலம் என்று அஇஅதிமுக அரசு பீற்றிக் கொள்கிறது.இது உண்மையா என்றால் உண்மையல்ல. மின் மிகை மாநிலம் என்றால் தமிழ்நாடு தன்னுடைய தேவையைப் பூர்த்தி செய்துகொண்டு மிகுதி மின்சாரத்தை மற்ற மாநிலங்களுக்கு விற்கிறது என்று பொருள்.அந்த நிலையில் தமிழ்நாடு் இல்லை என்பதே உண்மை.

தமிழ்நாட்டின் மின்சாரத் தேவையில் 50% மட்டுமே தமிழ்நாட்டில் உற்பத்தியாகிறது, 50 % வெளி்மாநிலங்களில் வாங்குகிறோம். தமிழ்நாடு மின்மிகை மாநிலம் என்று எப்படிச் சொல்லமுடியும்?’ என்று கேள்வி எழுப்பியுள்ளார்