தாசில்தாருக்கு ரூ.10,000 அபராதம்.. நீதிமன்றம் உத்தரவை அதிகாரிகள் பின்பற்றுவதில்லை – ஐகோர்ட் கிளை காட்டம்

அபராத தொகையை சித்த மருத்துவமனைக்கு செலுத்த உத்தரவிட்டு வழக்கை முடித்து வைத்தது ஐகோர்ட் கிளை.

நீதிமன்றம் உத்தரவை பின்பற்றவில்லை என அம்பாசமுத்திரம் தாசில்தாருக்கு ரூ.10,000 அபராதம் விதித்தது உயர்நீதிமன்றம் மதுரை கிளை. அபராத தொகையை சித்த மருத்துவமனைக்கு செலுத்த உத்தரவிட்டு வழக்கை முடித்து வைத்தனர். நீதிமன்ற உத்தரவுப்படி, ஆனந்தகுளத்தை சுற்றி ஆக்கிரமிப்புகளை அகற்றாததால் தாசில்தாருக்கு அபராதம் விதிக்கப்பட்டுள்ளது.

நீதிமன்ற உத்தரவை பின்பற்றவில்லை என்று நெல்லை மாவட்ட ஆட்சியர் மீது அவமதிப்பு நடவடிக்கை எடுக்க கோரி வழக்கு ஒன்று தொடுக்கப்பட்டது.  ஆக்கிரமிப்புகளை அகற்ற நீதிமன்றம் உத்தரவிட்டும் அதிகாரிகள் நடவடிக்கை எடுக்கவில்லை என மனுவில் புகார் தெரிவிக்கப்பட்டது. இவ்வழக்கு விசாரணைக்காக அம்பாசமுத்திரம் நகராட்சி ஆணையர், தாசில்தார் நீதிமன்றத்தில் ஆஜரானர்.

அப்போது, நீதிமன்ற உத்தரவை அதிகாரிகள் முறையாக பின்பற்றுவதில்லை, நீதிமன்ற உத்தரவை அதிகாரிகள் பின்பற்றுவது குறித்து பயிற்சி அளிக்கப்பட வேண்டிய காலம் வந்துவிட்டது. அம்பாசமுத்திரம் ஆனந்தகுளத்தில் உள்ள ஆக்கிரமிப்புகளை அகற்ற உத்தரவிடும் நடவடிக்கை இல்லை என உயர்நீதிமன்ற மதுரை கிளை நீதிபதிகள் காட்டமாக தெரிவித்தனர்.