கருத்துச்சொல்ல இவர் யார் சட்டமன்ற உறுப்பினரா..?கட்சி தலைவரா.?அரசியல் பேச ரஜினிக்கு அருகதை இல்லை..சீறிய தா.பாண்டியன்

மேலும் அவர் கூறுகையில் இஸ்லாமியர்களுக்குப் பாதிப்பு இல்லை என்று சொல்வதற்கு நடிகர் ரஜினி யார்?  சட்டமன்ற உறுப்பினரா?, கட்சியின் தலைவரா? அவர் ஒரு நடிகர் அவ்வளவு தான் அவர் நடிப்போடு  நிறுத்திக் கொள்வது தான் நல்லது. இந்தியாவில் எத்தனை மாவட்டங்கள் இருக்கின்றது,எத்தணை மாநிலங்கள் இருக்கின்றது, இந்தியாவின் முதல் பட்ஜெட்டில் எவ்வளவு பணம்? என்று இது குறித்து அவரை சொல்லச்  சொல்லுங்கள் பார்ப்போம்.. யார் யாரை ஏமாற்றுவது? ஏதோ இவர் திரையில் செய்கிற சேட்டைகளைப் பார்த்து அவர் திரையுலகில் வேண்டுமானால் முதலிடம் பிடித்திருக்கலாம்.

அவருக்கு பாலாபிஷேகம் செய்யட்டும் விமர்சையாக நடக்கட்டும் ஏன் வாழைப்பழ அபிஷேகம் கூட நடக்கட்டும் அரசியல் பேசுவதற்கு அவருக்கு எந்த அருகதையும் இல்லை. இப்பொழுது வந்து இஸ்லாமியர்களுக்கு என்றால் முதலில் குரல் கொடுப்பேன் சொல்கிறார்.எங்களைத் பாதுகாத்துக் கொள்ள எங்களுக்குத் தெரியும். எங்களுக்குப் பாடம் சொல்லித்தர அவர் அவராகவே தம்மை ஆசிரியராக நியமிக்க வேண்டாம். உங்களுக்கு என்ன தெரியும், என்ன தெரியாது என்று எங்களுக்குத் தெரியும் என்று தா.பாண்டியன் சற்று காட்டமாக கூறியுள்ளார்