பதைபதைக்கும் நேரத்தில் மகனுக்காக பை தைத்து கொடுத்த சுர்ஜித் தாய் ..!

திருச்சி மாவட்டத்தில் நடுகாட்டுபட்டி கிராமத்தில் நேற்று மாலை 05.40 மணிக்கு சுர்ஜித் என்ற இரண்டு வயது சிறுவன் ஆழ்துளை கிணற்றில் விழுந்தார்.ஆழ்துளை கிணற்றில் விழுந்த சிறுவனை தொடர்ந்து17மணி நேரமாக தொடர்ந்து மீட்பு பணியில் ஈடுபட்டு வருகின்றனர்.
27 அடியில் இருந்த இந்த சிறுவன் 70 அடி ஆழத்திற்கு சென்று உள்ளார். ஆழ்துளை கிணற்றில் சிறுவன் சுர்ஜித் முகம் , கைகள் மண்மூடி நிலையில் அசைவின்றி ஆழ் துளை கிணற்றில் உள்ளார்.

தொடர்ந்தது இடுக்கி போன்ற கருவி மூலம் மீட்டு படையினர் மீட்பு பணியில் ஈடுபட்டு வருகின்ற நிலையில் மீட்பு படையினர் பை போன்று ஏதாவது இருந்தால் உதவியாக இருக்கும் என கேட்க உடனே சுர்ஜித் தாய் நான் என் மகனுக்காக தைத்து தருகிறேன் என கூறி அருகில் இருந்த தையல் மெஷினில் தன் கையால் தனது மகனுக்கு ஒரு துணிப்பை வைத்து மீட்பு படையினரிடம்  கொடுத்துள்ளார்.
தன் மகன் அசைவின்றி ஆழ் துளை கிணற்றில் இருக்கும் போது மீட்டு படையினர் கேட்டுக் கொண்டதற்கு இணங்க மகனுக்காக இந்த சூழ்நிலையிலும் 20 நிமிடங்கள் நிதானமாக அமர்ந்து மகனுக்காக பை தைத்த இந்த புகைப்படம்  பலரை கண்கலங்க வைத்து உள்ளது.