பக்கவாட்டில் தோண்டுவது மிகவும் சவாலானது! சுஜீத் மீட்புப்பணி பற்றிய தகவல்!

திருச்சி மணப்பாறை அருகே உள்ள கிராமத்தில் இருந்த ஆழ்துளை கிணற்றில் 2 வயது சிறுவன் சுஜீத் தவறி விழுந்தான். அவனை மீட்கும் பனியில் தற்போது பாதுகாப்பு படை வீரர்கள் தீவிரமாக ஈடுபட்டு வருகின்றனர்.
இதில் ரிக் இயந்திரம் மூலம் சுஜீத் தவறி விழுந்த ஆழ்துளை கிணற்றுக்கு  அருகே பெரிய துளையிடப்பட்டு அதன் வழியே மீட்பு படை வீரர்கள் சென்று பக்கவாட்டில் துளையிட்டு சிறுவனை காப்பாற்ற பட உள்ளான்.
தற்போது மீட்பு படை வீரர் அஜித்குமார் என்பவர் தோண்டப்பட்ட குழிக்குள் சென்று பின்னர், 55 அடி ஆழத்தில் இருந்து கல் ஒன்றை அங்குள்ள பாறையின் தன்மையை ஆராய கொண்டு  வந்தார்.
அதனை ஆராய்ந்து பின்னர் 98 அடி வரை குழிதோண்டி அங்கிருந்து பக்கவாட்டில் துளையிட்டு பின்னர் சுஜீத்தை மீட்க திட்டமிட்டுள்ளனர். ஆனால், கல்லின் தன்மையை ஆராய்ந்த போது, பக்கவாட்டில் துளையிடுவது சவாலானதாக இருக்கும் என மீட்புப்படையினரால் கூறப்படுகிறது.