திமுக தலைவர் மு.க.ஸ்டாலினுக்கு குவியும் ஆதரவுகள்.! அறிவாலயத்தில் விருப்பமனு தாக்கல்.!

திமுக தலைவர் பொறுப்புக்கு ஸ்டாலின் பெயரில் திருவள்ளூர் மத்திய மாவட்டம் சார்பில் அமைச்சர் நாசர் மனு.

திமுக தலைவர், செயலாளர், பொருளாளர் போன்ற முக்கிய நிர்வாகிகள் தேர்தல் நடைபெற உள்ளது. இந்த பொறுப்புகளுக்கு முதல்வர் மு.க.ஸ்டாலின், அமைச்சர்கள் துரைமுருகன், டி.ஆர்.பாலு ஆகியோர் போட்டியிட உள்ளனர். இந்த நிலையில், இன்று தலைவர் பொறுப்புக்கான தேர்தலில் போட்டியிட முதல்வர் மு.க.ஸ்டாலின் வேட்புமனு தாக்கல் செய்ய உள்ளார்.

இந்த நிலையில், திமுக நிர்வாகிகள் அண்ணா அறிவாலயத்தில் விருப்பமனு தாக்கல் செய்து வருகின்றனர். அந்த  வகையில், திமுக தலைவர் தேர்தலில், முதலமைச்சர் மு.க.ஸ்டாலினுக்கு ஆதரவு தெரிவிக்கும் வகையில் திருவள்ளூர் மத்திய மாவட்டம் நாசர் தலைமையில் 34 பேர் ஸ்டாலின் தலைவராக வேண்டுமென வேட்புமனு தாக்கல் செய்துள்ளனர். அமைச்சர் நாசர், 34 மனுக்கள் தாக்கல் செய்து ரூ.17 லட்சத்தை வேட்புமனு கட்டணமாக செலுத்தினார்.