Leo FDFS: திடீர் டிவிஸ்ட்…லியோ பட சிறப்பு காட்சிகள் நேரம் மாற்றம்!

நாளை வெளியாகும் விஜய்யின் லியோ திரைப்படத்திற்கு  புதுச்சேரியில் காலை 9 மணிக்கு மேல் தான் முதல் காட்சி திரையிடப்படும் என தெரிவிக்கப்பட்டுள்ளது.

இயக்குனர் லோகேஷ் கனகராஜ் இயக்கத்தில் விஜய் நடித்துள்ள ‘லியோ’ திரைப்படம் நாளை வெளியாகவுள்ள நிலையில், தமிழ்நாட்டில் லியோ படத்தின் 4 மணி காட்சிக்கு அனுமதி கிடையாது என்று சென்னை உயர்நீதிமன்றம் உத்தரவிட்டது. இதற்கு அடுத்த படியாக 7 மணி காட்சிகளுக்கும் அனுமதி கேட்டு படக்குழு முயற்சி செய்தது. ஆனால், அதுவும் தோல்வியானது 7 மணி காட்சிகளுக்கும் அனுமதி வழங்கப்படவில்லை.

அந்த வகையில், புதுவை நகரம் மற்றும் கிராமப்புறங்களில் உள்ள 15 திரையரங்குகளில் லியோ திரைப்படம் வெளியாக உள்ளது. இந்நிலையில், நேற்றைய தினம் புதுச்சேரியில் 19ஆம் தேதி முதல் 24ஆம் தேதி வரை காலை 7 மணி சிறப்பு காட்சிக்கு மாவட்ட ஆட்சியர் வல்லவன் அனுமதி வழங்கியதாக செய்திகள் வெளியானது.

ஆனால் தற்பொழுது, டிக்கெட் விநியோகிப்பதில் பல்வேறு நெருக்கடிகளை தவிர்ப்பதற்காக புதுச்சேரியில் காலை 9 மணிக்கு மேல் ‘லியோ’ படத்தின் முதல் காட்சியை திரையிட திரையரங்க உரிமையாளர்கள் முடிவு எடுத்துள்ளதாக தகவல் வெளியாகியுள்ளது.

விஜய் படம் என்றாலே பிரச்சனை…லியோவில் ஆபாச வார்த்தை இருக்காது – லோகேஷ் கனகராஜ் பேட்டி!

மறுபக்கம், தமிழ்நாட்டில் லியோ திரைப்படம் முதல் காட்சி 9 மணிக்கு வெளியாவதால், புதுவையில் 7 மணிக்கு திரையிட முடியாது எனவும், முதல் காட்சியாக 10 மணிக்கு தொடங்க இருப்பதாக கூறப்படுகிறது. இதனால், காலை 7 மணி காட்சிக்கு மாவட்ட ஆட்சியர் அனுமதி அளித்தும் திரையரங்குகள் முன்வரவில்லை என்பதால் ரசிகர்கள் பெரும் சோகத்தில் உள்ளனர்.