டெல்லி விமான நிலையத்தில் மத்திய நிதியமைச்சர் – முதலமைச்சர் ஸ்டாலின் திடீர் சந்திப்பு!

டெல்லி விமான நிலையத்தில் மத்திய நிதியமைச்சர் நிர்மலா சீதாராமன் – முதலமைச்சர் ஸ்டாலின் சந்திப்பு.

டெல்லி வந்திருந்த தமிழ்நாடு முதல்வர் மு.க. ஸ்டாலின் சென்னை திரும்புவதற்காக டெல்லி விமான நிலையம் சென்றபோது, அங்கு ஏற்கனவே மும்பை செல்வதற்காக வந்திருந்த மத்திய நிதி அமைச்சர் நிர்மலா சீதாராமனை சந்தித்து பேசியுள்ளார். இந்த சந்திப்பில் பரஸ்பரம் நலம் விசாரித்து கொண்டனர்.

இந்திரா காந்தி விமான நிலையத்தில் முதலமைச்சர் ஸ்டாலினை சந்தித்ததை நிதியமைச்சர் நிர்மலா சீதாராமன் தனது ட்விட்டர் பக்கத்தில் பகிர்ந்துள்ளார். அதில், மும்பை செல்வதற்காக டெல்லி விமான நிலையம் சென்றபோது தமிழ்நாடு முதலமைச்சர் மு.க. ஸ்டாலினை சந்தித்ததாக பதிவிட்டுள்ளார்.

கிண்டியில் ரூ.230 கோடி மதிப்பீட்டில் 1000 படுக்கைகளுடன் கட்டி முடிக்கப்பட்டுள்ள பன்னோக்கு சிறப்பு மருத்துவமனை திறந்து அழைப்பு விடுக்க டெல்லி சென்ற முதலமைச்சர் முக ஸ்டாலின், குடியரசு தலைவர் தலைவர் திரௌபதி முர்முவை சந்தித்து முறையாக அழைப்பு விடுத்தார். இந்த சமயத்தில், குடியரசு தலைவர் மாளிகையில் திரௌபதி முர்முவை சந்தித்த நிலையில், விமான நிலையத்தில் மத்திய நிதியமைச்சரை சந்தித்துள்ளார் முதலமைச்சர்.

Smt @nsitharaman met Shri @mkstalin, Hon’ble Chief Minister of Tamil Nadu, at the Indira Gandhi International Airport in New Delhi on her way to Mumbai. pic.twitter.com/aPV7D9hoSk

— NSitharamanOffice (@nsitharamanoffc) April 28, 2023