குஷியில் மாணவர்கள்..! இன்று முதல் மாணவர்களுக்கு விடுமுறை..!

பள்ளி மாணவர்களுக்கு இன்று முதல் அரையாண்டு விடுமுறை அளிக்கப்பட்டுள்ளது. 

பள்ளி மாணவர்களுக்கு அரையாண்டு தேர்வு நடைபெற்று வந்த நிலையில், நேற்றுடன் தேர்வுகள்நிறைவடைந்ததது. இந்த நிலையில், இன்று முதல் ஜனவரி 1-ஆம் தேதி வரை பள்ளிகளுக்கு அரையாண்டு தேர்வு விடுமுறை அளிக்கப்படுவதாகவும், ஜனவரி 2-ஆம் தேதி பள்ளிகள் மீண்டும் துவங்கும் என்றும் பள்ளிக்கல்வித்துறை அறிவித்துள்ளது.

1-5 ஆம் வகுப்பு வரை உள்ள மாணவர்களுக்கு ஜன.5-ஆம் தேதி பள்ளிகள் திறக்கப்படும் என்றும், ஆசிரியர்களுக்கு 2-4 ஆம் தேதி வரை பயிற்சி வகுப்புகள் இருப்பதால் தொடக்கப்பள்ளி மாணவர்களுக்கு கூடுதலாக 2 நாட்கள் விடுமுறை அளிக்கப்பட்டுள்ளது.