தமிழகத்தில் நீட் தேர்வால் ஒரு மாணவர் உயிரிழப்பு..!

நீட் தேர்வுக்கு தயாராகி வந்த மாணவன் தற்கொலை .

கொரோனா வைரஸ் காரணமாக செப்டம்பர் மாதம் நடைபெற உள்ள ஜேஇஇ மற்றும் நீட் தேர்வை தள்ளிவைக்க கோரி பல தலைவர்கள் மற்றும் பெற்றோர்கள் கோரிக்கை வைத்தும் மத்திய அரசு குறிப்பிட்ட தேதியில் தேர்வுகள் நடைபெறும் என திட்டவட்டமாக தெரிவித்தது.

திட்டமிட்டபடி ஜேஇஇ தேர்வுகள் நடைபெற்று வருகிறது. வருகின்ற 13-ம் தேதி நீட் தேர்வு நாடு முழுவதும் நடைபெற உள்ளது. இந்நிலையில் ,  அரியலூர் மாவட்டம் செந்துரையை அடுத்துள்ள எலந்தங்குழி கிராமத்தை சேர்ந்த விக்னேஷ் என்ற மாணவன் நீட் தேர்வுக்கு தயாராகி வந்தநிலையில், மன உளைச்சலுக்கு ஆளான நிலையில், கிணற்றில் குதித்து தற்கொலை செய்து கொண்டார்.

 நீட் தேர்வுக்கு தயாராகி வந்த மாணவர் விக்னேஷ் எடுத்த  விபரீத முடிவு அப்பகுதியில் பெரும் பரபரப்பை ஏற்படுத்தியுள்ளது.