கடும் எதிர்ப்பு! அண்ணாமலையை கண்டித்து அதிமுக தீர்மானம்!

aiadmk district secretaries meeting [Image Source : Twitter/@ANI]

ஜெயலலிதா குறித்து பேசிய அண்ணாமலையை கண்டித்து அதிமுக மாவட்ட செயலாளர்கள் கூட்டத்தில் தீர்மானம்.

சென்னையில் அதிமுக மாவட்ட செயலாளர்கள் கூட்டத்தில் பாஜக மாநில தலைவர் அண்ணாமலைக்கு எதிராக தீர்மானம் நிறைவேற்றப்பட்டுள்ளதாக தகவல் வெளியாகியுள்ளது. முன்னாள் முதல்வர் ஜெயலலிதா குறித்து சர்ச்சைக்குரிய கருத்து தெரிவித்த அண்ணாமலையை கண்டித்து தீர்மானம் நிறைவேற்றப்பட்டுள்ளது.

பொதுச்செயலாளர் எடப்பாடி பழனிசாமி தலைமையில் நடந்த வரும் அதிமுக மாவட்ட செயலாளர்கள் கூட்டத்தில் அண்ணாமலைக்கு எதிராக முழக்கம் எழுப்பிய நிலையில், தீர்மானமும் நிறைவேற்றப்பட்டதாக தகவல் வெளியாகியுள்ளது. பாஜக மாநில தலைவர் அண்ணாமலையை கண்டித்து மாவட்ட செயலாளர்கள் கூட்டத்தில் அதிமுக நிர்வாகிகள் கடுமையாக பேசி வருவதாகவும் கூறப்படுகிறது.

ஊழல் வழக்கில் ஜெயலலிதா தண்டிக்கப்பட்டதால் தான் தமிழ்நாட்டில் ஊழல் பெருகிவிட்டதாக அண்ணாமலை கருத்து கூறியிருந்தார். இதற்கு அதிமுகவினர் கடும் கண்டனங்களை தெரிவித்து, கடுமையாக விமர்சித்து வருகின்றனர். இந்த நிலையில், அதிமுக, அண்ணாமலை இடையே கடும் கருத்து மோதல் ஏற்பட்டுள்ள நிலையில், சென்னையில் நடைபெற்று வரும் அதிமுக மாவட்ட செயலாளர் கூட்டத்தில் கடும் எதிர்ப்பு தெரிவித்து, தீர்மானம் நிறைவேற்றப்பட்டுள்ளது.