பரபரப்பு:காஞ்சிபுரத்தில் பெரியார் சிலை உடைப்பு..!

• காஞ்சிபுரம் மாவட்டம் சாலவாக்கம் அருகே உள்ள களியப்பேட்டை என்ற கிராமத்தில் 20 வருடத்திற்கு முன் பெரியார் சிலை ஓன்று நிறுவப்பட்டது.
• இன்று அதிகாலை பெரியார் சிலையின் மூக்கு, கை பகுதிகளை மர்மநபர்கள் உடைதத்தால்  பதற்றம் ஏற்பட்டுள்ளது.

காஞ்சிபுரம் மாவட்டம் சாலவாக்கம் அருகே உள்ள களியப்பேட்டை என்ற கிராமத்தில் 20 வருடத்திற்கு முன் பெரியார் சிலை ஓன்று நிறுவப்பட்டது. இந்நிலையில் இன்று அதிகாலை அப்பகுதி மக்கள் அந்த பெரியார் சிலையை கடந்து செல்லும்போது இடது உள்ளங்கையில் சேதம் ஏற்பட்டு இருப்பதை பார்த்து உள்ளனர்.

உடனே சிலையின் அருகே சென்று பார்த்தபோது  மூக்கு, கை பகுதிகளை மர்மநபர்கள் உடைதத்தால் பதற்றம் ஏற்பட்டுள்ளது. பெரியார் சிலையை  சம்பந்தப்பட்ட கிராம நபர்கள் இல்லாத வெளி நபர்கள்தான் சேதப்படுத்தி இருப்பதாக அப்பகுதி மக்கள் கூறியுள்ளனர்.

மேலும் சேதப்படுத்தப்பட்ட பெரியார் சிலையை காண செங்கல்பட்டு , காஞ்சிபுரம் பகுதியில் இருந்து சம்பந்தப்பட்ட கட்சிசார்ந்தவர்களும் ,பொதுமக்களும் செல்கின்றனர்.இந்நிலையில் பெரியார் சிலையை  சேதப்படுத்திய மர்மநபர்கள் குறித்து போலீசார் விசாரணை நடத்தி வருகின்றனர்.